Ne ofrojmë 80 milionë euro për Ukrainën, por do t'i japim nëse parlamenti e miraton
Në qëndrimin me të cilin Bullgaria shkon në samitin e NATO-së, thuhet se vendi ynë mund t'i japë Ukrainës 80 milionë euro.Këtë e bëri të ditur në margjinat e Kuvendit Popullor, kryeministri në detyrë Dimitër Gllavçev. Megjithatë, ai saktësoi se kjo ose çdo shumë tjetër mund të bëhet fakt vetëm pasi të votohet nga parlamenti.Gllavçev nuk dashi të specifikojë se për çfarë saktësisht do të sigurohet kjo shumë.Kujtojmë se më herët sot kreu i GERB-it Bojko Borisov deklaroi se Bullgaria nuk do t'i japë Ukrainës para në dorë.Bashkëkryetari i DPS Deljan Peevski shpjegoi se nuk ka kontradikta në deklaratat e Gllavçevit dhe Borisovit: "Këto para nuk do t'i jepen drejtpërdrejt nga vendi ynë Ukrainës, por do të zbriten nga shumat që merr Bullgaria për armatimin i dhënë Kievit”.
"Qëllimi ynë kryesor është të mbrojmë interesat tona kombëtare si aleat në NATO", vuri në dukje Gllavçev në lidhje me qëndrimin e Bullgarisë në samit.
Gllavçev para mediave përshëndeti propozimet e bëra në sallën plenare të Kuvendit Popullor, që Bullgaria të jetë ndërmjetëse në negociatat paqësore apo iniciativat paqësore.Megjithatë, e vetmja gjë që duhet theksuar është se këto negociata për paqe duhet të jenë në përputhje me të drejtën ndërkombëtare, theksoi Gllavçev.
Print
