Bullgaria nuk do të dërgojë ushtarë në Ukrainë

Në fillim të dëgjimit të tij në parlament, në lidhje me qëndrimin e Bullgarisë për takimin e NATO-së në Uashington, kryeministri në detyrë Dimitër Gllavçev theksoi se “nuk bëhet fjalë për dërgimin e trupave bullgare në Ukrainë”. Sipas Gllavçevit, kjo temë “as nuk është diskutuar dhe as do të diskutohet”, por mbështetja politike dhe praktike për Kievin mbetet prioritet për vendin tonë. Për shkak të informacionit të klasifikuar, "Ka një popull të tillë" (ITN) dhe BSP këmbëngulën që mbledhja të mbahej pa kamera dhe mikrofona, në mënyrë që të deklasifikoheshin dokumentet që formojnë qëndrimin bullgar. Toshko Jordanov nga ITN theksoi se ajo që kanë thënë Gllavçev dhe ministri i mbrojtjes “si histori e përgjithshme është e vërtetë”, por “për sa i përket përmbajtjes nuk ka të bëjë me dokumentet që janë në dosjen sekrete”. Jordanov shprehu dyshime serioze "për heqjen dorë nga sovraniteti kombëtar në gjërat që janë brenda, nëse biem dakord". Jordanov theksoi se “Presidenti Radev kishte absolutisht të drejtë kur refuzoi të udhëheqë dhe të mbrojë një tezë të tillë para partnerëve apo në NATO”.

• Presidenti i bëri thirrje NATO-s të mos dërgojë trupa në Ukrainë

• Për 63% të bullgarëve, rritja e furnizimeve me armë për Ukrainë është një "ide e keqe"