Për 63% të bullgarëve, rritja e furnizimeve me armë për Ukrainë është një "ide e keqe"
Optimizmi ukrainas përplaset me skepticizmin bullgar dhe evropian përpara samitit të NATO-së, me ndarjet që shfaqen mbi shpenzimet e mbrojtjes dhe se si do të përfundojë lufta. Këto janë përfundimet në një raport të bazuar në një studim të ri të Këshillit Evropian për Politikë të Jashtme /EUFP/ në 15 vende evropiane, të përgatitur nga Mark Lenard dhe Ivan Krëstev, njofton BTA. Sipas shumicës së evropianëve, rezultati përfundimtar i luftës në Ukrainë do të jetë një zgjidhje e negociuar, tregon sondazhi. 61% e bullgarëve të anketuar besojnë se "Evropa duhet të shtyjë Ukrainën të negociojë një marrëveshje paqeje me Rusinë". Bullgaria (63%), Greqia (54%) dhe Italia (53%) janë tre nga 15 vendet që besojnë se rritja e furnizimeve të municioneve dhe armëve në Ukrainë nga aleatët e saj është një "ide e keqe". Në të njëjtën kohë, 24% e të anketuarve në Bullgari mendojnë se kjo është një ide e mirë. 25% e bullgarëve, pavarësisht vështirësive ekonomike, mbështesin rritjen e buxhetit të mbrojtjes, ndërsa 40% janë kundër (me një mesatare prej 41.3% për BE-në). Dërgimi i trupave në Ukrainë kundërshtohet nga 54% në Suedi deri në 90% në Bullgari.
Print
