U inaugurua oborri i shkollës në fshatin Borje i rinovuar me mbështetjen e Bullgarisë

Në inaugurimin e oborrit të rinovuar morën pjesë ambasadori i Bullgarisë në Shqipëri Z. Ivajllo Kirov, shefi i Seksionit të Diplomacisë Publike Z. Asen Paçev, Nënkryetari i Bashkisë së Kukësit Z. Agron Nuredinaj  dhe kryetari i shoqërisë "Bullgarët e Shqipërisë" Z. Ahmet Balla.

Projekti i realizuar është pjesë e përpjekjeve të shtetit bullgar për përmirësimin e infrastrukturës në zonat, ku jeton pakica kombëtare bullgare. Një theks i veçantë i është kushtuar krijimit të kushteve më të mira për arsimimin dhe zhvillimin e brezave të rinj.

Gjatë ceremonisë të gjithë fëmijët e shkollës morën dhurata në kuadër të projektit të përvitshëm "Festimi i Vitit të Ri në mënyrë bullgare". U shpërndanë gjithsej 680 dhurata për fëmijët nga fshatrat e zonës së Gorës – Zapod, Orgjost, Cërnalevë, Oreshkë, Shishtavec dhe Borje. Nisma u mbështet nga kompania bullgare për prodhimin e ëmbëlsirave “Ditë e Natë”, e cila çdo vit siguron ëmbëlsirat e përfshira në paketat e dhuratave.

Lexoni më shumë për bullgarët në Shqipëri nga arkivi i Radio Bullgarisë:

• Rajonet ku jetojnë bullgarë në Shqipëri është e nevojshme të kenë autonomi administrative

• Donatorët tanë pajisën salla kompjuterike në dy shkolla shqiptare me bullgarë etnikë

• Nxënësit nga fshati shqiptar Borje do të udhëtojnë deri në shkollë me një minibus të siguruar nga shteti bullgar

• Ambasadori i Bullgarisë në Shqipëri zhvilloi një vizitë zyrtare në Kukës

• Te nashencit në Gorën e Kukësit (VIDEO)

Informacioni është dorëzuar nga Ambasada e Republikës së Bullgarisë në Shqipëri

Foto: Ambasada e Republikës së Bullgarisë në Shqipëri