Një shëtitje vjeshtore nëpër sokakët me kalldrëm të fshatit Leshten
Vjeshta i jep një bukuri të veçantë fshatit Leshten, të fshehur në shpatet perëndimore të malit Rodopa. Muret e tij prej guri duken si një strumbullar në sfondin e festës së ngjyrave të natyrës dhe ruajnë komoditetin e shtëpisë bullgare. Eleonora Tropankova nga BNR-Bllagoevgrad na ofron një shëtitje fotografike në këtë fshat piktoresk bullgar.
Ndodhet në Bullgarinë Jugperëndimore - thjesht duke arritur në qytetin Goce Dellçev, duhet të kthehemi majtas nga rruga që çon në kufirin me Greqinë te fshati Ilinden. Kemi 14 kilometra për të ngjitur në mal - Leshteni ndodhet në 1093 m mbi nivelin e detit.
Sot Leshten është një nga destinacionet e preferuara për turizmin rural në Bullgari.
Shtëpitë e vjetra të restauruara ofrojnë atmosferën karakteristike të këtij rajoni nga koha e Rilindjes Kombëtare Bullgare, të kombinuar me komoditetin modern.
Shtëpitë në fshatin Leshten kanë oborre piktoreske dhe çardakë të mëdhenj, nga të cilat hapet një pamje e paharrueshme te Pirini madhështor.
Vetëm 200 km larg ritmit të nxituar të Sofjes, njeriu zhytet në përjetësinë e së shkuarës, sepse ky cep i Bullgarisë ruan frymën autentike të mënyrës së jetesës dhe traditave tona amtare.
Lexoni më shumë:
Fotot: Eleonora Tropankova nga BNR-Bllagoevgrad
Përgatiti në shqip dhe publikoi: Svetllana Dimitrova
Print
