Nga sot GERB-SDS fillon negociatat me partitë e tjera për shkak të rezervave serioze për programin e "Po e vazhdojmë ndryshimin - Bullgaria Demokratike" (PP-DB), tha lideri i GERB-it Bojko Borisov. Forca e dytë politike PP-DB shpalli dje projekt- kabinetin e saj të pakicës dhe deklaroi se do të kërkojë mbështetjen e të gjitha partive parlamentare. Sipas fjalëve të Bojko Borisovit, GERB-SDS do të propozojë gjithashtu një qeveri të pakicës dhe shpreson të mbështetet nga grupet e tjera parlamentare. Megjithatë, ai deklaroi se negociatat me PP-DB nuk kanë përfunduar, pasi ka “gjëra të përbashkëta në lidhje me reformën ligjore, energjetikën, mbrojtjen dhe politikën e jashtme”.

Nga ana tjetër, kandidati i PP-DB për kryeministër Nikollaj Denkov komentoi për Nova TV se koalicioni i tij nuk do të negociojë me GERB-SDS për përbërjen e personelit të projekt-kabinetit. “Ne nuk pranojmë ultimatume, ne përpiqemi të bëjmë atë që do të ishte më e dobishme që të kemi një qeveri funksionuese”, tha ai.