“Ne përkrahim protestuesit por nuk përkrahin anarkinë. Nuk duhet të ngatërrohen protestuesit me ata që bllokojnë qytetet.” Këtë e tha para BNT lideri i Partisë VOLJA dhe zëvendës kryetar i Parlamentit Veselin Mareshki. “Ata 10, 15, 50 ose 100 njerëz të cilët pengojnë jetën e njerëzve kërkojnë provokacionin për të hyrë në mediat”, mendon Mareshki. Sipas tij dorëheqja e qeverisë nuk mund të arrihet në këtë mënyrë. Sipas tij kjo e betonon qeverinë sepse ngjall pakënaqësi te shtetasit e tjerë. Veselin Mareshki shpjegoi se nuk erdhën për mbledhjen e jashtëzakonshme të parlamentit sepse nuk dëshirojnë që me “tatimet e pensionistëve, biznesmenëve dhe mësuesve bullgarë” të paguhet fushata paraelektorale e Kornelija Ninovës për lider të Partisë Socialiste bullgare.