Udhëheqësi i GERB-it, Bojko Borisov, u tha gazetarëve se ai mbështet qëndrimin e presidentit amerikan Donald Trump për paqen në Ukrainë, por këmbëngul që Bullgaria të mbetet besnike ndaj partnerëve të saj evropianë. Sipas tij, politika e administratës së re amerikane paraqet rrezik për ekonominë bullgare.

"Fakti që priten sërish sanksione apo rritje të taksave doganore në territorin e Evropës nuk është mirë për ne. Fabrikat tona për prodhimin e makinave u janë përshtatur kryesisht atyre gjermanë, franceze dhe tarifa të ngjashme do të ulin menjëherë prodhimin në Evropë. Shtetet e Bashkuara janë partneri ynë strategjik dhe Bashkimi Evropian është familja jonë evropiane", tha ai.