Ambasadorja Donika Hoxha ishte përfaqësuesja e Shqipërisë në samitin e sotëm të Organizatës së Detit të Zi për Bashkëpunim Ekonomik. Ajo foli në emër të Ministrit në Detyrë për Evropën dhe Punët e Jashtëm z. Gent Cakaj. “Ne duhet të avancojmë bashkëpunimin ndërmjet BEDZ-it dhe BE-së në fushën e tregtisë, ekonomisë, agrikulturës, edukimit, transportit, turizmit etj. Nën këtë kornizë, Shqipëria mbështet fuqishëm shkëmbimin e informacionit dhe eksperiencave ndërmjet anëtarve të organizatës me qëllim rritjen e zhvillimit të qëndrueshëm dhe kushteve për jetesë në rajonin e Detit të Zi” – tha Ambasadorja Hoxha. Ajo mbylli fjalimin e saj duke i shprehur mirëseardhje Republikës së Maqedonisë së Veriut, si anëtare e re e organizatës.