Në Sofje zhvillohet takimi i 40-të i Këshillit të Ministrave të Punëve të Jashtme të shteteve – anëtare të Organizatës së Bashkëpunimit Ekonomik të Detit të Zi (BEDZ). Në të marrin pjesë përfaqësuesit e të gjitha anëtareve – Bullgaria, Azerbajxhani, Shqipëria, Armenia, Gjeorgjia, Greqia, Moldavia, Rumania, Rusia, Serbia, Turqia, Ukraina. Si shtete-vëzhguese janë ftuar Egjipti dhe Tunizia. Takimi është aktiviteti i fundit i kryesisë bullgare të organizatës dhe gjatë gjashtë muajve të ardhshme kjo detyrë do të jetë në duart e Greqisë.
