Sipas zëvendëskryeministres dhe ministres së punëve të jashtme Ekaterina Zaharieva rezultatet e arritura gjatë 6 muajve të kryesisë bullgare të organizatës së Bashkëpunimit Ekonomik të Detit të Zi (BEDZ) mund të konsiderohen si sukses i plotë. Sot ishte mbyllja e kësaj kryesie, e cila “i përmbushi qëllimet e veta – të jetë praktike dhe e orientuar ndaj rezultateve konkrete, të dukshme për qytetarët”, deklaroi Zaharieva. Ajo nënvizoi rëndësinë e regjionit të Detit të Zi si një urë ndërmjet tri kontinenteve. Sot në forumin e BEDZ-së në Sofje në përputhje me propozimin e bërë nga Sofja, shtetet-anëtare morën vendim të njëzëshëm (me votat e të gjitha 13 shteteve) për të ftuar Maqedoninë e Veriut në organizatë.
