Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Në Bosilegrad të Serbisë diskutuan për temën e të ashtuquajturit "komb i shopëve"

Foto: BTA

Një forum u mbajt në klubin e shtypit të Agjencisë Telegrafike Bullgare (BTA) në Bosilegrad të Serbisë, i provokuar nga përpjekjet për ta imponuar të ashtuquajturin "komb i shopëve" (shopët janë një grup etnografik që banon në pjesët perëndimore të Bullgarisë, Serbisë Lindore dhe në pjesën verilindore të Maqedonisë së Veriut me identitet kombëtar bullgar, serb ose maqedonas - shënimi i redaktorit) në Krahinat Perëndimore (rajonet kufitare juglindore të Serbisë me popullsi bullgare – shën. red.). Në diskutim morën pjesë deputetë, diplomatë dhe përfaqësues të komunitetit akademik nga Bullgaria.

Kryetari i Komisionit për politikat për bullgarët jashtë vendit, Stojan Tesllakov, i dorëzoi donacione Qendrës Kulturore dhe Informative dhe Shoqatës “Gllas Pres” dhe theksoi se Sofja nuk duhet të jetë indiferente ndaj çështjes së të ashtuquajturit "komb i shopëve".

Deputetja Elisaveta Bellobradova vuri në dukje se rasti lidhet me nevojën për një politikë të synuar ndaj vendeve fqinje të Bullgarisë, të cilat nënçmojnë pakicën bullgare në territoret e tyre. "Shteti bullgar duhet të nisë një politikë të synuar për të afirmuar të drejtat dhe ekzistencën e bullgarëve në vendet fqinje," kërkoi Bellobradova.

Problemi është serioz dhe pas tij qëndron vetë shteti serb”, tha konsulli ynë i përgjithshëm në Nish, Dimitër Canev. "Ka një proces të intensifikuar në media, në konferenca shkencore dhe simpoziume. Në përgjithësi, ekziston një makinë propagandistike që po punon seriozisht mbi këtë temë," shtoi Canev.

Në mediat serbe shkruhet ose keq, ose asgjë për Bullgarinë dhe ky është një postulat dhe qëllimi është asimilimi i popullatës bullgare”, tha gjithashtu Canev. Ai shtoi se i ashtuquajturi “komb i shopëve” si eksperiment “është pëlqyer pas sukseseve në çrrënjosjen e vetëdijes bullgare në Maqedoninë e Veriut”, si dhe imponimit të një gjuhe “që është autentike prej shekujsh”. Sipas tij, i njëjti model është duke u kopjuar dhe testuar në Krahinat Perëndimore.

Mendimi i përgjithshëm ishte se bullgarët në anën tjetër të kufirit nuk kanë nevojë për postulate dhe për një goditje pas shpine, por për një ndihmë të vërtetë. U shtrua edhe çështja e mundësisë së pjesëmarrjes së bashkatdhetarëve tanë jashtë vendit me një kuotë të vogël në Kuvendin Kombëtar, transmeton BTA.

Lexoni më tepër:



Последвайте ни и в Google News Showcase, за да научите най-важното от деня!

Më shumë nga rubrika

Rumen Radev

Presidenti Radev shpreson se Maqedonia e Veriut do të tregojë vullnet politik dhe do të hapë rrugën e saj drejt BE-së

Presidenti Rumen Radev zhvilloi një bisedë telefonike me Përfaqësuesin Special të BE-së për Dialogun Beograd-Prishtinë dhe Ballkanin Perëndimor, Mirosllav Llajçak. Të dy diskutuan aspektet e procesit të integrimit evropian të vendeve të rajonit. Të dy..

botuar më 25-01-22 5.58.MD

Qeveria e re bullgare – një fund i kaosit politik apo një qetësi e përkohshme?

Bullgaria doli nga një gjumë i gjatë politik - 81 ditë pas votimit të gjashtë të parakohshëm parlamentar, Kuvendi Popullor zgjodhi qeverinë e 105-të të vendit. 125 deputetë mbështetën kabinetin e koalicionit, të vulosur nga një marrëveshje midis tre nga..

botuar më 25-01-21 7.20.PD
Александър Вучич

Ngjarjet me adresë ballkanike

Presidenti Vuçiq i ofron opozitës të iniciojë referendum nëse ai duhet të qëndrojë në postin e presidentit Serbët nuk besojnë se zgjidhja e krizës politike në vend mund të jetë një “referendum konsultativ” për besimin ndaj presidentit, siç ka..

botuar më 25-01-18 7.05.PD