Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Mbetjet e instalimeve ushtarake romake nga shekulli I japin informacion të ri për jetën pranë qytetit danubian Llom

Foto: BTA

Gërmimet arkeologjike në lagjen Kaleto të qytetit të Danubit Llom zbuluan mbetje të strukturave mbrojtëse romake që datojnë nga shekulli I pas Krishtit. Gërmimet, të udhëhequra nga krye asistenti Dr. Vlladisllav Zhivkov nga Instituti Kombëtar Arkeologjik me Muze pranë Akademisë Bullgare të Shkencave, arriti në një thellësi prej 7.5 metrash, ku u zbuluan një mur fortesë dhe tri hendeqe. Ata janë pjesë e një kampi ushtarak romak nga gjysma e parë e shekullit I. Më vonë, mbi to u ndërtua një kamp i ri, në të cilin u eksplorua një ndërtesë, e cila supozohet të ishte një kazermë për ushtarët ose një stallë për kuaj. Në të u gjetën enë qeramike të importuara, kryesisht nga Galia Jugore, si dhe sende e monedha bronzi.

Arkeologët përcaktuan se kampi ushtarak u dogj gjatë një sulmi në shekullin e parë të viteve 80-të të erës sonë. Në atë kohë, Llom ishte një post kufitar i Perandorisë Romake me Dakinë, dhe fortifikimet luajtën një rol të rëndësishëm në mbrojtje. Pas pushtimit të Dakisë në shekullin II, qyteti ruajti rëndësinë e tij si një port në Danub. Gjatë Mesjetës, muret e kalasë u shkatërruan dhe u rindërtuan vazhdimisht.

Gjatë gërmimeve u zbuluan gjithashtu një dysheme balte të shekullit të XI-të para Krishtit me copa të thyera enësh qeramike të lidhura me kulturën Balej-Orsoja. Kjo konfirmon se qysh në fund të epokës së bronzit të vonë, në zonën e Llomit të sotëm ekzistonte një vendbanim me një nekropol ngjitur.

Në vitin 2024 gjatë gërmimeve u zbuluan rreth 400 gjetje, duke përfshirë sende antike si municione kuajsh, stoli, kryqe dhe enë qeramike. Të gjitha artefaktet do të dorëzohen për ruajtje në Muzeun Historik në qytetin Llom, tha dr. Vlladisllav Zhivkov në një intervistë për programin "Hristo Botev" të Radios Kombëtare Bullgare.

Lexoni më shumë nga koleksioni i Radio Bullgarisë:


Përpilues: Veneta Nikollova

Përgatiti në shqip dhe publikoi: Svetllana Dimitrova

Foto: BTA




Последвайте ни и в Google News Showcase, за да научите най-важното от деня!

Më shumë nga rubrika

At Paolo Cortesi Foto: Komuniteti Katolik - Belene

At Cortesi: Gjithnjë e më shumë njerëz nga të gjitha kishat e krishtera po punojnë për të gjetur unitetin

Më 20 prill, të gjithë të krishterët kremtojnë Ringjalljen e Krishtit. Në sfondin e botës sonë të përçarë dhe të dhunshme, katolikët, së bashku me ortodoksët, armenët dhe protestantët, do të dërgojnë një mesazh shprese, duke ndarë gëzimin e përbashkët..

botuar më 25-04-20 6.00.PD

100 vjet nga akti më brutal terrorist në historinë bullgare

Sulmi në kishën katedrale "Sveta Nedelja" më 16 prill 1925 është akti më i përgjakshëm terrorist në historinë e Bullgarisë. Për nga brutaliteti dhe qëllimi i tij – në të Enjten e Madhe, nuk i afrohet asnjë akti tjetër.  Gjatë Javës së Shenjtë,..

botuar më 25-04-16 7.25.PD
Projektim i një filmi shkencor-dokumentar me temë aviacionin për vizitorët e muzeut.

Aeroplanë, hidroplanë dhe ushqim kozmik – histori nga qielli të mbledhura në muzeun e aviacionit pranë Plovdivit

Që nga përpjekjet e para për të fluturuar me krahë të ndërtuara vetë që në shekullin e 19-të, deri te fluturimet e para luftarake në botë me qëllime zbulimi dhe bombardimi. Nga ulja e parë e suksesshme në histori e një aeroplani me motor të ndalur,..

botuar më 25-04-08 7.30.PD