Një shfaqje argëtuese "shkencë" për fëmijët iu kushtohet dinozaurëve. Ajo do të mbahet për një qëllim bamirësie - në mbështetje të Qendrës së Shpëtimit të Breshkave në fshatin Banja pranë zonës së mbrojtur të Detit të Zi Irakli.

Kodi i veshjes në festë është me temë breshkash. Çdo fëmijë mund të vijë i veshur me një kostum breshkash dhe të marrë pjesë në një konkurs për kostumin më të mirë të breshkës. Dhe çmimi për fituesit do të jetë... një banjë breshkash - këtë herë me një breshkë të vërtetë.

Drejtuesja e Qendrës së Breshkave në fshatin Banja, Iva Llallovska, do të flasë për dymbëdhjetë llojet e breshkave nga kënde të ndryshme të botës që kanë gjetur mbrojtje dhe jetojnë në qendër.

Breshkat janë një nga bashkëkohësit e paktë të dinozaurëve që kanë mbijetuar deri më sot - kujtojnë organizatorët. Bullgaria është një nga vendet e pakta evropiane ku ende hasen breshkat e tokës. Në natyrën tonë jetojnë dy lloje - breshka me gjemba (Testudo graeca) dhe breshka me bisht gjembak (Testudo hermanni).

Qendra e vetme për mbrojtjen dhe rehabilitimin e breshkave të sëmura dhe të lënduara në Bullgari në fshatin Banja funksionon që nga viti 2007. Deri më tani ka ndihmuar më shumë se 6 mijë zvarranikë, por ka nevojë për mbështetje për të vazhduar misionin e saj.

Përpiloi: Gergana Mançeva

Përgatiti në shqip dhe publikoi: Svetllana Dimitrova

Foto: geachelonia.org