Për herë të dytë këtë vit, në qytetin Haskovo të Bullgarisë Jugore, për të krishterët ortodoksë do të ekspozohet për adhurim ikona “Shën Nëna e Zotit – Molla e Artë”, e cilësuar si mrekullibërëse. Lajmin e njoftoi Mitropolia e Shenjtë e Plovdivit. Shenjtëria do të sillet nga Mitropoliti Nikollaj në Katedralen “Fjetja e Shenjtë e Hyjlindëses” më 13 gusht. Në kuadër të kreshmës së Virgjëreshës, peshkopi do të shërbejë një liturgji - kanun lutjesh për Virgjëreshën e Bekuar. Liturgjia është pjesë e shërbesave peshkopale të mbrëmjes gjatë periudhës së lutjes dhe kreshmimit përpara datës 15 gusht, kur bie Ditën e Fjetjes së Hyjlindëses.
Besohet se ikona shëron gratë nga infertiliteti dhe ndihmon me shumë sëmundje të fëmijërisë. Shtëpia e saj është kisha në lagjen Gorni Voden të qytetit Asenovgrad.
Në sinaksarin e Hieromonkut Ananij Klinis nga viti 1765, përshkruhet historia e ngjizjes së mrekullueshme të një gruaje që në shenjë mirënjohjeje e dekoroi ikonën me një mollë ari, prej nga vjen emri i ikonës së mrekullueshme të Virgjëreshës nga shekulli i XVII-të - "Molla e Artë".
Lexoni më shumë:
Në një deklaratë në televizionin e vetëm atëherë kombëtar më 29 maj 1989, Kryetari i Këshillit Shtetëror të Republikës Popullore të Bullgarisë dhe Sekretari i Përgjithshëm i Komitetit Qendror të Partisë Komuniste Bullgare, Todor Zhivkov, i bën..
Nga bregu i Danubit afër Kozlloduit, ku në vitin 1876 çeta e poetit-revolucionar Hristo Botev zbarkoi me anijën austriake "Radecki", filloi edicioni i 76-të i Marshit Kombëtar "Nëpër gjurmët e çetës së Botevit". 120 kilometrat deri në majën historike..
Shkolla Kombëtare e Muzikës "Ljubomir Pipkov" në Sofje shënon 120 vjet nga themelimi me një koncert dhe ekspozitë. Jo rastësisht për koncertin u zgjodh data 24 maj - Dita e Vëllezërve të Shenjtë Kirill dhe Metodij, e Alfabetit, Arsimit dhe..