Në një takim në Paris, Komiteti i Monitorimit propozoi mbylljen e dialogut postmonitorues me vendin tonë dhe ndjekjen e zhvillimeve në lidhje me sundimin e ligjit, demokracinë dhe të drejtat e njeriut në kuadër të rishikimeve periodike të tij, njoftoi Asambleja Parlamentare e Këshillit të Evropës (APKE).

Ndryshimet kushtetuese të zbatuara në fushën e pushtetit gjyqësor vlerësohen si "përparim i rëndësishëm në përmbushjen e angazhimeve dhe detyrimeve të Bullgarisë". Komisioni i APKE-së mirëpret gjithashtu masat e marra nga autoritetet për të luftuar korrupsionin në nivelet më të larta të pushtetit, si dhe miratimin e Ligjit Kundër Korrupsionit në fund të vitit. Progres i rëndësishëm vërehet edhe në lirinë e shprehjes dhe luftën kundër dhunës ndaj grave dhe gjuhës së urrejtjes, ndërsa problemi me integrimin e popullatës rome tregohet si një "mangësi që kërkon korrigjim".