Më 28 shtator mbushen 115 vjet nga lindja e Marin Goleminov – një prej kompozitorëve më të rëndësishëm bullgarë.
Akademiku MarinGoleminov lindi në qytetin Kjustendill në vitin 1908. Arsimin muzikor e mbaroi në Paris, ku studioi kompozicionin. Aiështë autor i operave, baleteve, veprave simfonike dhe të dhomës që kanë mbetur në thesarin e kulturës muzikore bullgare. Krijimtaria e tij, e ndikuar fuqishëm nga folklori bullgar, ka fituar çmime të larta dhe edhe më sot e kësaj dite është pjesë e repertorit të orkestrave të shumta dhe ekzekutohet në mbarë botën.
“Marin Goleminov është ajo figurë reliev në muzikën bullgare që afirmon zhanrin e dhomës, bërjen e muzikës së dhomës përmes mënyrës së të menduarit muzikor – përmbledh Prof. Natasha Japova, mësuese e historisë së muzikës, në një intervistë nga thesari i Radio Bullgarisë. – Do tëkujtoj se muzika e dhomës është “muzikë për vetë tingullin”, muzikë për të dëgjuar dhe për të kompozuar. Ajo vjen nga tradita të ekzekutohet në sallat e pallatit për muzikë, ku aristokratët mblidheshin për të zhvilluar një lloj bisede përmes muzikës së dhomës. Nuk kemi pasur një traditë të tillë për disa arsye. Vetëm gjashtë dekada pasi Bullgaria u bë një shtet i pavarur, Marin Goleminov afirmoi zhanrin e muzikës së dhomës në kulturën bullgare.”
Në fund të jetës së tij, Marin Goleminov jetonte në Portugali me familjen e djalit të tij të madh Kamen. Ai u largua nga kjo botë në vitin 2000. Në kujtim të kompozitorit të madh, në qytetin e vendlindjes së tij çdo vit më 28 shtator ndahet Çmimi Kombëtar për kontribut në artin muzikor “Akademik Marin Goleminov”.Organizatorë të veprimtarisë janë Komuna e qytetit Kjustendill, Shoqata Muzikore “Marin Goleminov” dhe trashëgimtarët e kompozitorit.
Dëgjoni “Festa e fshatit” nga suita “Nestinarka” e MarinGoleminov, ekzekuton Orkestra Simfonike e Radios Kombëtare Bullgare me dirigjent Kamen Goleminov:
Redaktore: Diljana Traçeva
Përgatiti në shqip: Svetllana Dimitrova
Shkolla Kombëtare e Muzikës "Ljubomir Pipkov" në Sofje shënon 120 vjet nga themelimi me një koncert dhe ekspozitë. Jo rastësisht për koncertin u zgjodh data 24 maj - Dita e Vëllezërve të Shenjtë Kirill dhe Metodij, e Alfabetit, Arsimit dhe..
Më 21 maj Kisha Ortodokse përkulet para shenjtorëve Konstantin dhe Elena, të cilët festohen si të barabartë me apostujt, sepse, ashtu si apostujt, ata bënë përpjekje për të përhapur mësimet e Krishtit. Shën Kostantini ishte perandor i Bizantit në..
Një ekspozitë kushtuar 200 vjetorit të botimit të "Abetares së Peshkut" të shkencëtarit të madh, iluminist dhe donator Petër Beron, hapet në kopshtin përballë Teatrit Kombëtar “Ivan Vazov” në kryeqytet. “Peter Beron ishte një nga bullgarët më të..