Prof. Vili Lilkov deklaroi se me kandidaturën e tij për kryetar të bashkisë së Sofjes dëshiron të bashkojë votuesit e djathtë. “Për tre vjet e djathta ndahet sistematikisht nga drejtuesit e të ashtuquajturve formacione të së djathtas”, tha Lilkov për BNR. Si gabime ai vuri në dukje mbështetjen e dhënë për Maja Manollova në zgjedhjet për kryetar komune në vitin 2019 dhe për mandatin e dytë të presidentit Rumen Radev në vitin 2020, si dhe hyrjen e një pjese të së djathtës në një qeverisje me BSP-në.

“Insistoj që GERB të dalë me kandidatin e vet, i cili do të mbrojë atë që u arrit deri tashti dhe do të jetë përgjegjës për atë që u premtua, por nuk u realizua”, kërkoi Lilkov.

Në këtë fushatë do t’i përmbahem bisedës për problemet e mëdha të Sofjes dhe nuk do t’i komentoj kundërshtarët e mi në planin personal. Kryebashkiaku i Sofjes duhet ta sjellë në shekullin e 21-të, prandaj jam duke kandiduar, sqaroi Lilkov.