Radiot publike të Bullgarisë dhe Rumanisë po thellojnë bashkëpunimin e tyre. Drejtorët Razvan Joan Dinka dhe Milen Mitev do të nënshkruajnë një marrëveshje në Sofje, e cila parashikon që për një periudhë dy vjeçare të dy palët të shkëmbejnë informacione aktuale dhe programe radiofonike pa pagesë. Dokumenti rregullon bashkëpunimin në krijimin e programeve të përbashkëta radiofonike për njohjen më të mirë të ndërsjellë të auditorit në të dy vendet. Dëgjuesit e radios në të dy anët e Danubit do të kenë gjithashtu mundësinë të dëgjojnë regjistrimet arkivore që lidhen me historinë dhe kulturën e palës tjetër ose marrëdhëniet dypalëshe. Marrëveshja parashikon gjithashtu mundësinë e shkëmbimit të profesionistëve.
Thellimi i marrëdhënieve dypalëshe u arrit në mars, gjatë vizitës së Drejtorit të Përgjithshëm të Radios Kombëtare Bullgare (BNR), Milen Mitev, në Bukuresht.
Radio Rumania dhe Radioja Kombëtare Bullgare janë partnerë shumëvjeçar, si në nivel dypalësh, ashtu edhe në një sërë organizatash ndërkombëtare, si Bashkimi Evropian i Radios dhe Televizionit (EBU). Është një fakt interesant që Radio Romania Internacional transmetonte programe në bullgarisht në periudhën e viteve 1946-1949 dhe 1995-2004. Radioja Kombëtare Bullgare, nga ana e saj, zgjeroi programet e saj në gjuhë të huaj, duke hapur në vitin 2022 një faqe interneti në rumanisht. Kështu, ngjarjet aktuale të jetës shoqërore-politike në vendin tonë, kultura dhe historia e Bullgarisë arrijnë më lehtë te auditori rumanisht-folës.
Përpilues: Elena Karkallanova
Përgatiti në shqip: Svetllana Dimitrova
Vitin e kaluar, ndërsa ekonomia e Bashkimit Evropian vuante nga inflacioni galopant dhe rritja e ndenjur, presidentja e Komisionit Evropian Ursula von der Leyen ngarkoi ish-guvernatorin e Bankës Qendrore Evropiane dhe ish-kryeministrin italian Mario..
Hekurudha nëntokësore e qytetit të Sofjes doli të ishte ndër më të pëlqyerat në Evropë. Metroja e Sofjes renditet e dyta, e tejkaluar vetëm nga ajo në Oslo, njofton TV Euronews. Sondazhi u krye nga kompania Bounce dhe u morën parasysh një sërë..
Patriku bullgar dhe Mitropolit i Sofjes Daniill u dërgoi një mesazh për vitin e ri shkollor mësuesve, nxënësve dhe prindërve. Ai do të tingëllojë sot në hapjen e vitit të ri shkollor në të gjitha shkollat në Bullgari. Në mesazhin e tij "me..
Diversiteti kulturor dhe gjuhësor – pikërisht kjo e dallon Bashkimin Evropian dhe gjuhët e folura në komunitet janë një pjesë e rëndësishme e..
Këneta е Bojanës është e vetmja ligatinore natyrore në territorin e Sofjes, e cila është ende shtëpia e një numri speciesh të mbrojtura të bimësisë..