Rruga për të dalë nga situata politike nuk është kabineti i pakicës, por qeveria e koalicionit, deklaroi kreu i DPS-së Mustafa Karadajë pas konsultimeve me presidentin Rumen Radev.

“Populli bullgar është i mençur dhe 5 herët e fundit ka zgjedhur të njëjtën strukturë të Kuvendit Popullor duke mos e lejuar askënd të qeverisë në emrin e një partie apo një personi. Ne kemi paguar çmimin e qeverisjes së një njeriu dhe një partie për 12 vjet dhe ende po e paguajmë", tha Karadajë.

Ai tha gjithashtu se gjashtë zgjedhje të parakohshme të panevojshme radhazi nuk do t'i ndryshojnë gjërat. Karadajë beson se tashmë janë humbur 20 ditët pas zgjedhjeve për ta formuar qeverinë, por edhe se një kabinet mund të formohet që me mandatin e parë.