Vendi ynë mund të humbasë qindra milionë euro nga Plani i Rimëkëmbjes dhe Qëndrueshmërisë, nëse deri në qershor të këtij viti nuk ndryshon Ligjin për Gjyqësorin, paralajmëroi në Nova News zëvendës ministri teknik i drejtësisë Emill Deçev. Sipas tij, vendosja e një mekanizmi për hetimin e Prokurorit të Përgjithshëm nëpërmjet një magjistrati të pavarur është i rëndësishëm, por jo i vetmi. Sipas tij, me ndryshimet në ligjin e propozuar nga Këshilli i Ministrave zgjidhen afro 70 çështje, duke përfshirë zvogëlimin e pushtetit absolut të prokurorit të shtetit dhe mundësinë e pezullimit të përkohshëm të tij në rast të një krimi të qëllimshëm. “Për momentin çdo gjyqtar, prokuror apo hetues mund të suspendohet përkohësisht nëse akuzohet për vepër të qëllimshme, por jo edhe kryeprokurori”, komentoi Emill Deçev.