Për të katërtin vit radhazi, organizata e njerëzve që duan trajtim më të mirë të kafshëve të rritura në industri – “THUAJ” – po përgatit nismën e bamirësisë “Vrapim për kafshët”. Ngjarja do të zhvillohet më 2 tetor - Dita Botërore e Kafshëve të Fermës dhe fillon në orën 10:00 në Kopshtin e Borisit në Sofje. Kërkesa e vetme për të marrë pjesë në vrapim është që njerëzit t'i duan kafshët dhe të jenë të gatshëm të mbështesin një kauzë që lidhet me mbrojtjen e tyre.

Ndër kërkesat kryesore të organizatës jofitimprurëse “THUAJ” janë ndalimi i fermave në nivel kombëtar dhe evropian, ku rriten kafshë për shkak të lëkurës së tyre, ndalimi i majmërimit të shpendëve në ferma, përfundimi i kultivimit në kafaz të pulave vezore, si dhe ndalimi i testimit të kafshëve brenda BE-së. Përmes një sërë nismash të ngjashme, organizata shpreson të tërheqë vëmendjen e shoqërisë ndaj vuajtjeve të panevojshme të kafshëve.

• Mbi 56 mijë bullgarë kërkuan ndalimin e eksperimenteve me kafshë

Përpiloi: Gergana Mançeva

Përgatiti në shqip: Vesella Mançeva

Foto: run4animals.caai.bg