Pas disfatës në Harkov, Rusia vazhdon sulmet me raketa në infrastrukturën ukrainase. Muri i digës së lumit Ingulec pranë Krivoj Rog u ça me 2 raketa. Autoritetet ukrainase evakuuan popullsinë në zonat e prekura. U zhytun 112 shtëpi dhe vila buzë lumit. Niveli i ujit ra gjatë natës, njofton UNIAN. Jetët e 600 000 njerëzve në qytetin rajonal, i cili është vendlindja e Presidentit Vollodimir Zelenski, janë nën kërcënim.

Këshilltari presidencial Aleksej Arestoviç shpjegoi se qëllimi i sulmit ishte të krijonte një valë të baticës që do të largonte urat pontone të Ukrainës mbi lumin Ingulec, por kjo nuk pati sukses.

Gjatë kthimit nga qyteti i çliruar Izjum, makina e presidentit Vollodimir Zelenski u aksidentua, por ai nuk u lëndua rëndë, njoftoi në Facebook zëdhënësi i kreut të shtetit ukrainas, Sergej Nikiforov.

Sekretari i Përgjithshëm i OKB-së Antonio Guterres tha se perspektivat për vendosjen e paqes në Ukrainë aktualisht janë minimale. Deklarata u bë pas një bisede telefonike midis Guterres dhe liderit rus Vlladimir Putin.