Një ceremoni përkujtimore me rastin e 149 vjetorit të vdekjes së Apostullit të Lirisë Vasill Levski mbahet më 18 shkurt në vendlindjen e heroit - Karllovo. Çdo vit në këtë ditë qyteti malor përkul kokën në shenjë nderimi para vetëflijimit të Apostullit. Një fjalim para monumentit të Levskit do të mbajë kryetari i Kuvendit Popullor Nikolla Minçev, nën patronazhin e të cilit mbahet ceremonia përkujtimore me fishekzjarrë. Në sheshin i cili mban emrin e Vasill Levskit çdo vit mblidhen jo më pak se 1500 veta-banues dhe miq të qytetit Karllovo.

Më 19 shkurt nga ora 9:00 në kishën “Fjetja e Shën Mërisë” do të shërbehet liturgjia e Shenjtë hierarkike dhe shërbesë përkujtimore në kujtim të Apostullit, kurse në mbrëmje nga ora 19.00, përsëri në sheshin e qytetit do të zhvillohet një miting-përkulje me vendosjen e kurorave dhe të luleve para monumentit të Apostullit. Në ceremoni do të marrë pjesë një pjesë përfaqësuese e Brigadës 61 të Mekanizuar Strjamska.

• Karllovo ngriti shtëpinë e Apostullit të Lirisë Vasill Levski nga rrënojat dhe e ruan si një shenjtërore

Përpiloi: Gergana Mançeva

Përgatiti në shqip: Nataniela Vasileva