Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Afro 50% më shumë vizitues të huaj në muzetë e Veliko Tërnovos këtë verë

Foto: Veneta Nikollova

Në korrik, numri i vizitorëve të huaj në objektet dhe ekspozitat e Muzeut Historik Rajonal të Veliko Tërnovos u rrit me 47.31%, njoftoi bashkia e qytetit.

Këtë verë shumica e mysafirëve të huaj në kryeqytetin e vjetër janë nga Franca, Rusia, Gjermania dhe Polonia. Pavarësisht krizës së koronavirusit, restorantet dhe hotelet janë plotë mysafirë. Gati 20 000 turistë vizituan kështjellën mesjetare “Carevec”, 6 000 prej tyre të huaj, vë në dukje bashkia.

Një prej vendeve më të dashura për shëtitje është rruga piktoreske "Gurko" me një pamje të bukur drejt lumit Jantra. Shumë i gjallëruar është edhe Pazari “Samovodska” me punëtoritë e tij të shumta artizanale, ku mjeshtrit demonstrojnë live zanate të lashta të trashëguara brez pas brezi, të cilat po praktikohen edhe sot e kësaj dite.

Велико Търново

Kisha mesjetare "40 Martirët e Shenjtë”, e ndërtuar dhe pikturuar për nder të fitores së Mbretit Ivan Asen II mbi despotin e Epirit Theodore Comnenus në vitin 1230, është ndër vendet më të vizituara.

Në vapën e verës jeta kulturore në Veliko Tërnovo është në kulmin e vet - ekspozita, koncerte, premiera dhe të gjitha llojet e ngjarjeve në natyrë tërheqin vëmendjen e publikut.

Aktualisht qyteti është mikpritës i Festivalit Ndërkombëtar "Vera, Kukulla dhe Miq" 2021 me pjesëmarrjen e aktorëve nga Estonia, Rusia dhe Bullgaria. Ata i paraqesin veprat e tyre skenike në skenën e “Verës së Artit” në Parkun “Asenevci”. Veselin Vasilev, themeluesi i festivalit, komentoi për programin "Hristo Botev" të Radios Kombëtare Bullgare:

“Spektatorët më të vegjël të festivalit tonë shijojnë shfaqje të mrekullueshme kukullash, të cilat i prezantojmë çdo fundjavë që nga fillimi i qershorit deri në fund të gushtit. Këto janë shfaqje të zgjedhura nga repertori i shumë teatrove shtetërorë të kukullave, të trupave të pavarura teatrore, si dhe të teatrove të huaj.”

Një prej atraksioneve më të mëdha në kryeqytetin e vjetër bullgar është shfaqja audio-vizuale "Tingulli dhe drita", krijuar në vitin 1985 nga një ekip bullgaro-çekosllovak. Më 21 dhe 28 gusht, shouja-emblemë do të mund të shihet falas nga Sheshi “Car Asen” /“Mbreti Asen”/.

Përpiloi: Veneta Nikollova

Përgatiti në shqip: Vesella Mançeva

Foto: Veneta Nikollova, Ani Petrova



Последвайте ни и в Google News Showcase, за да научите най-важното от деня!

Më shumë nga rubrika

Shtëpia e Spas Balevskit në Trojan, ku do të strehohet kompleksi historik

Trojan me një kuriozitet të ri për dashamirët e historisë

Një kompleks i ri historik në Trojan tregon për heroizmin e bullgarëve vendas që morën pjesë në Luftërat Ballkanike (1912-1913), Lutën e Parë dhe Luftën e Dytë Botërore. Kompleksi paraqet historinë e Regjimentit të 34-të të Këmbësorisë së..

botuar më 24-09-14 8.05.PD

Klima bullgare është e favorshme për zhvillimin e turizmit mjekësor

Kombinimi i një klime të favorshme, natyrës së bukur dhe ujërave të shumta minerale dhe baltës shëruese në Bullgari është i përshtatshëm për zhvillimin e mjekimeve të ndryshme në resortet tona. Në Kongresin e 11-të Vjetor të Unionit Bullgar të..

botuar më 24-09-10 9.36.PD

Shtëpi bujtina si muze etnografikë – të çlodhesh në një mjedis autentik fshati buzë Danubit

Fshehur nga vështrimi i turistit masiv, fshatrat e Danubit janë një magnet për adhuruesit e natyrës në kërkim të privatësisë dhe përvojave autentike. Këta udhëtarë zgjedhin fshatra të vegjël bregdetare si Srebërna, Gigen, Vetren, Novo Sello e të tjerë,..

botuar më 24-09-09 7.30.PD