Banka Bullgare e Zhvillimit po analizon lidhjet ekonomike në kreditë e dhëna prej saj për shkak të sanksionit të Deljan Peevski nën aktin global “Magnitski”. Kjo u njoftua nga Ministri i Ekonomisë Kirill Petkov gjatë një seance në Parlament. Kur u pyet nga deputeti i DPS Jordan Conev ministër Petkov u përgjigj se Peevski, si person fizik nuk kishte marrë ndonjë hua nga Banka Bullgare e Zhvillimit, por disa kompani janë duke u hetuar për lidhje të mundshme me të.

Petkov tha se kontrollimi zbuloi shpenzime të mëdha për pagat e udhëheqjes. Kështu, një nga menaxherët e Bankës Bullgare të Zhvillimit mori 468 000 leva (pak më shumë se 239 mijë euro) paga vjetore. U shpërndanë edhe bonuse prej 60 000 leva (30 000 euro).