Mjekët nga spitali më i madh i urgjencës në Bullgari “Pirogov” përsëri protestuan për anulimin e pushimit nga puna të drejtorit të spitalit, Prof. Asen Balltov. Ai u largua pas një inspektimi nga Fondi i Sigurimeve Shëndetësore, i cili gjeti një aktivitet të raportuar, por të papërmbushur. Protestuesit bllokuan për ca kohë bulevardin “Car Boris III” dhe kundërshtuan pohimet e Ministrit të Shëndetësisë në detyrë Stojço Kacarov se ai ka qenë një nga pacientët me një diagnozë të rreme. Mjeku i Kacarovit, kreu i Klinikës së Mjekësisë së Brendshme, Doc. Petër Atanasov, njoftoi se Ministri ka parashtruar një informacion të shtrembëruar në lidhje me diagnozën e tij.

Prof. Balltov shpjegoi se kostoja e shtegut klinik për një pacient me Covid-19 është 600 euro, por në fakt për spitalin ajo ka qenë 2000 për të sëmurët në gjendje mesatarisht të rëndë. Megjithatë, “Pirogov” nuk ka marrë asnjë cent nga të trajtuarit.