Skemat e mashtrimeve zgjedhore nuk janë të zbatueshme në votimin me makinë. Këtë e deklaroi zëdhënësi i Komisionit Qendror Zgjedhor – KQZ, Cvetozar Tomov përpara televizionit Bulgaria ON AIR. “Mashtruesit duhet të shpikin diçka të re, ata nuk kanë një kulturë të lartë teknologjike dhe të paktën për këto zgjedhje nuk do të ketë orvatje për të manipuluar pajisjet”, tha Tomov. Nëse një makinë dëmtohet, kalohet te votimi në letër, pas një procedure njoftimi në KQZ. Zëdhënësi është i bindur se probleme të tilla do të jenë të rralla. Votimi me makinë duhet të zvogëlojë radhët para seksioneve, pasi kapaciteti i pajisjes është 50 votues në orë. Kjo është arsyeja pse Tomov nuk pret radhë në fund të ditës së zgjedhjeve.