Më 14 shkurt bullgarët kremtojnë Ditën e Shën Trifon Zarezan ose Ditën e Vreshtarit - një festë tradicionale popullore për nder të Shën Trifonit, kushtuar punës dhe dashurisë ndaj hardhive, rrushit dhe verës. Sipas traditës, herët në mëngjes zonja e shtëpisë përgatit një bukë, një pulë të zier dhe verë, të cilat i vendos në një torbë të re. Me torbat e përgatitura burrat shkojnë në vreshta. Aty ata bëjnë kryq dhe nga tri anët e vreshtave presin nga 3 shkopinj. Pas kësaj përsëri bëjnë kryq dhe i vadisin me verën të cilën e kanë sjellë. Pas kësaj që të gjithë mblidhen dhe zgjedhin “mbretin e vreshtave” dhe fillon një qerasje e përbashkët.

Prej disa vitesh në Bullgari festohet edhe Dita e Shën Valentinit. Të dashuruarit shkëmbejnë kartolina dhe bonbone në formën e zemrës.