Çmimet e këngëtarit të madh bullgar të estradës Emill Dimitrov do të tregohen  në qytetin e tij të lindjes Pleven më 23 dhjetor, kur mbushen 80 vjet nga lindja e tij. Gjatë vitit 1960 Emilli debuton si këngëtar me këngën e kompozuar nga ai “Arlekino”, duke shoqëruar me fizarmonikë. Kjo e vë fillimin e karrierës së tij të gjatë dhe të suksesshme si një këngëtar i estradës, muzikant dhe kompozitor. Një nga këngët më të njohura “Vendi im, Bullgaria ime” është një ndër këngët më të dashura e të preferuara bullgare. Pavarësisht se gjatë asaj kohe Bullgaria është përtej perdes së hekurt Emill Dimitrovi zhvillon turne në pothuajse të gjitha vendet evropiane. Këngëtari bullgar korr suksese të mëdha në Bashkimin Sovjetik, por dhe në Francë. Aty ai njihet me Charles Aznavour dhe Dalida, kurse kënga “Vendi im, Bullgaria ime” është incizuar në frëngjisht, gjermanisht, italisht, dhe spanjisht dhe është e njohur me titullin “Monika”. Emill Dimitrovi vdiq në vitin 2005, duke na lënë një repertor  prej mbi 400 këngëve dhe kompozicioneve.

Shikoni interpretimin e tij të këngës “Vendi im, Bullgaria ime” gjatë vitit 1971.