Numri i përgjithshëm i të infektuarve me COVID-19 në Bullgari u bë 142, njoftoi shefi i Shtabit Operativ Kombëtar gjeneral profesor Vencisllav Mutafçijski. Pjesa dërmuese e pacientëve në gjendje të lehtë ose gjysmë të rëndë mjekohen në shtëpi. Nga numri i përgjithshëm i të sëmurëve 84 janë burra, ndërsa gratë janë 58. Pacienti më i vogël është 4 vjeçar, ndërsa më i moshuari është – 81 vjeçar. Deri tashti vdiqën 3 veta. Vdekshmëria nga koronavirusi në Bullgari tani është 2.1 për qind.
Tashmë ka 3 pacientë të shëruar. Ata do të dalin nga spitalet dhe do të lirohen nga puna me një listë spitalor për 30 ditë pa të drejtën të dalin nga shtëpitë e tyre.
Që nga sot kufizohet udhëtimi pa shkaqe të ngutshme midis qyteteve krahinore në përputhje me masat e reja kundër përhapjes së koronavirusit në Bullgari. Nuk kufizohet udhëtimet në rast pune dhe trafiku tregtar. Ndalohet frekuentimi i parqeve, shesheve fëmijësh dhe sportive. Nga ora 8.30 deri në orën 10.30 vetëm njerëzit mbi 60 vjeç mund të bëjnë pazar. Lëvizja e trenave në vend mbetet e pandryshuar. Mirëpo, udhëtarët duhet të vërtetojnë domosdoshmërinë e udhëtimit.