Tek ne ka vende romantike, të cilat vizitohen gjatë gjithë vitit nga çiftet e dashuruara dhe bile nga familje të tëra, vende, të cilat janë kthyer në simbol dhe shenjë të dëshirave të fshehura njerëzore.
Askush nuk mban mend se që kur një stol i zakonshëm, deri tek i cili të çon një rrugicë mbi Manastirin e Drjanovos, për herë të parë është quajtur “Stoli i dashurisë”.
Vendi është i jashtëzakonshëm, sepse pamja e cila hapet përpara vështrimit të të dashuruave, të cilët kanë arritur deri aty, është e madhërishme dhe e pakrahasueshme me asnjë vend tjetër në vendin tonë. Deri ku të arrin vështrimi është shtrirë një pyll pa fund, i cili gjatë verës i përngjan një “deti të thellë të gjelbër”, kurse në të si mbi pëllëmbë shikohet manastiri i Drjanovos, linja hekurudhore dhe kanioni piktoresk i lumit Drjanovska.
Gjatë gjithë vitit aty vijnë njerëz, të cilët praktikojnë ngjitjen shkëmbore, kurse ky është edhe një kontakt tjetër me natyrën marramendëse mbi qytetin Drjanovo.
Gjatë viteve të fundit “Stoli i dashurisë” fitoi një popullaritet të madh dhe vizitohet prej turistëve nga i gjithë vendi. Deri në vitin 2013 ky stol nuk konsiderohej si një kureshtje e tillë nga vetë banuesit e qytetit të afërt.
“E gjetëm “Stolin e dashurisë” në një gjendje të mjerë” - kujtohet Nikollaj Karagjozov, zëvendës kryetar i Bashkisë së Drjanovos.
“Për një ditë spastruam, ngjyrosëm, vendosëm tabelat dhe u drejtuam apel njerëzve të fotografohen dhe t’i vendosin fotografitë në faqen e internetit. Na befasoi interesi i madh ndaj këtij objekti. Doli se shumë njerëz shkojnë aty. Ata filluan të tregojnë fotot e tyre, madje kishte dy propozime për martesë, të bëra pikërisht aty. Kështu, pa ndonjë shumë të madhe parash të investuara nga ana jonë, “Stoli i dashurisë” u kthye në një nga kureshtjet natyrore më shumë të vizituara në Drjanovo. Vumë tabela nëpër rrugë dhe një libër, që të tregojnë njerëzit mendimet dhe ndjenjat të cilat i emocionojnë aty. Tamam për 2 javë ajo u përmbush me masazhe, të lëna edhe nga të huajt. Ne na befasoj fakti se vendi vizitohet kaq shumë. Mesazhet e tyre i kishin lënë gjermanë, rusë, letonë, francezë, madje kishte një letër prej miqve të ardhur nga Kenia e kështu me radhë.
Prandaj edhe dy herë të tjera e rinovuam këtë fletore për vizituesit. Një pjesë e mesazheve në librin e vizituesve e kemi publikuar në sajtin tonë “Destinacioni Drjanovo” - http://destinationdryanovo.com. Aty mund të lexohen fjalë të mira si për njeriun e dashur, ashtu dhe për miqtë, familjen dhe po kështu për natyrën dhe për shtëpinë tonë të përbashkët Toka. Njëra nga propozimet për martesë qe pikërisht më 14 shkurt në “Stolin e dashurisë”. Njëherë dhe ne nga bashkia u bëmë një surprizë të dashuruarve. Sollëm herët në mëngjese një qese me dhurata për festën. Qe shumë e këndshme dhe e lezetshme, kur na dërguan foto dhe na falënderuan për gjestin. Pas kësaj stoli qe i përmendur në shumë sajte dhe media si një nga vendet më romantike në Bullgari. Më kureshtarja këtu mbetet vetë natyra. Ne fare lehtë e ndryshuam zonën që të ndihen njerëzit mirë dhe t’i gëzohen natyrës.”
Përgatiti në shqip: Nataniela Vasileva
Foto: destinationdryanovo.comNga data 27 deri më 29 qershor, Sofja do të jetë kryeqyteti ballkanik i verërave. Edicioni i 13-të i Festivalit Ballkanik të Verës do të mirëpresë mysafirët në qytezën speciale të verërave përballë Pallatit Kombëtar të Kulturës (NDK). Vizitorët do..
A mund ta njihni Bullgarinë nga pamja e shpendëve, pa ndihmën e një droni apo avioni? Përgjigja është po, për këtë janë platformat panoramike. Ato janë ndërtuar lart në qiell dhe zbulojnë pamje mahnitëse të grykave, majave të mbuluara me..
Edicioni i dhjetë i Festivalit Kombëtar të Lavandës zhvillohet më 14 dhe 15 qershor në fshatin Çirpan të Sredno Gradishtes. Janë disa nga plantacionet më të vjetra të livandës në vend, të cilat kanë ekzistuar për më shumë se 80 vjet. Koncepti i festës..