Deri më 1 mars 2020, kur fillon përdorimi i sistemit për menaxhimin e pagesës rrugore (toll) për  automjetet e rënda mbi 3,5 tonë, mund të blihen vetëm pulla javore dhe ditore për tarifat rrugore (vignette). Pas kësaj date 3115 kilometra prej rrjetit rrugor të republikës do të përdoren vetëm pas pagimit të tarifave të reja rrugore (toll). Ky pagim do të jetë në bazë të llogaritjes së distancës së kaluar, informuan nga Agjencia e Infrastrukturës Rrugore.

Shitja e pullave javore që përdoren aktualisht do të vazhdojë deri më 24 shkurt, kurse ajo e pullave ditore – deri në orën 23.59 më 29 shkurt.

Që nga fillimi i shkurtit tashmë nuk shiten pullat mujore për tarifat rrugore për automjetet e rënda.

Konsumatorët, të cilët paguajnë për më shumë se një pullë elektronike, duke përdorur transferta banke, duhet të jenë të vëmendshëm kur plotësojnë informacionin për afatin e skadimit, paralajmërojnë nga Agjencia.