Përfunduan debatet mbi mocionin e mosbesimit ndaj qeverisë, të parashtruar për shkak të politikës në sektorin “Mjedisi dhe ujërat”. Votimi do të mbahet më 29 janar nga ora 9.00. Tani për tani opozita e majtë disponon përkrahjen vetëm të Lëvizjes për të Drejtat dhe Liritë (DPS). Votat e tyre nuk formojnë shumicë prej 121 mandatesh  për rrëzimin e qeverisë. Ky është mocioni i katërt i mosbesimit, që parashtrohet nga socialistët në kuadrin e Legjislaturës së 44 të Parlamentit. Tri votat e mëparshme të mosbesimit ishin me tema “Siguria”, “Korrupsioni” dhe “Shëndetësia”. Opozita ka të drejtën të kërkojë mocion mosbesimi në çdo moment, por autoritetet në pushtet kanë të drejtën të bëjnë përpjekje që të përfundojnë programin e tyre, komentoi Ministri i Mjedisit dhe Ujërave Emill Dimitrov.