Që nga 1 prilli Agjencia bullgare e Punësimit do të nisë platformën EURES në sajtin e vet. Në të do të mund të regjistrohen të gjithë bullgarët me arsim të lartë, të cilët dëshirojnë të kthehen në Bullgari dhe të gjejnë punë tek ne.

Ata do të mund të zgjedhin shërbime për ndihmë mujore me vlerë 600 euro, tha ministrja sociale Denica Saçeva. Spesialistët do të mund të aplikojnë në kuadrin e këtij programi për mbështetje financiare për pagimin e qirasë së banesës, në se dëshirojnë të vendosen në ndonjë vendbanim në Bullgari, ku nuk disponojnë shtëpi të vet. Do të mund të përdorin dhe shërbimet e një dadoje, të siguruar nga zyrat e punësimit, në se nuk mund të gjejnë vend për fëmijën e tyre në çerdhet apo në kopshtet shtetërore të fëmijëve.

Do të mund të marrin dhe më shumë para nga shteti, në se zgjedhin ndonjë vend ku pagat janë tepër të ulëta. Në se ndonjë anëtar i familjes nuk di gjuhën bullgare, ai do të ketë të drejtën të frekuentojë kurs për mësimin e gjuhës, shpjegoi zonja Saçeva.