Një sondazh i agjencisë sociologjike “Gallup International”në mes të fushatës parazgjedhore dhe mbase për këtë shkak i caktuar nga disa si provokues, tregon se shoqëria bullgare ka shumë zakone tradicionale.
Lidhja pas tokës ruhet pavarësisht nga urbanizimi dhe industrializimi i detyruar gjysmë shekullor. Rreth dy të tretat e qytetarëve të rritur janë lidhur ngushtë me tokën dhe me natyrën. Mbi 60% pohojnë se ose rrisin fruta, perime dhe kafshë shtëpiake për konsum personal, ose kanë të afërm dhe të njohur të cilët e bëjnë këtë. Mënyra moderne e jetesës në qytetin e madh të jep mundësi të blesh të gjitha gjërat nga supermarketi i afërt në lagje, por nuk ka fshirë përgatitjen tradicionale të produkteve për në dimër. Mbi 70% nga të anketuarit dëshmojnë se kanë përgatitur ose shpesh përdorin zajrenë e dimrit, përfshi turshi, lutenicë /një lloje salcë me speca të pjekura, karota dhe domate/, komposto e kështu me radhë. Në raste të veçanta përdorimi i produkteve shtëpiake bile është mjaft më i preferuar përpara atyre të prodhuar nën rregullimin shtetëror. 66% nga të anketuarit tregojnë se në qoftë se pinë raki preferojnë që ajo të jetë e bërë në shtëpi dhe jo e blerë në dyqan. Këtë preferencë nuk e ndajnë 25%, kurse të tjerët luhaten.
Del se për 77% nga bullgarët tharja e rrobave në ballkon vazhdon të jetë metodë bazë ose e preferuar, pavarësisht nga efekti i diskutueshëm mbi estetikën e fasadave dhe të peizazhit të qytetit. Një përshtypje mjaft të fortë bën se për më shumë se dy të tretat e pjesëmarrësve në studimin paraprak kombëtar heqja e këpucëve para se të hyjnë në shtëpi është me një rëndësi të madhe - 71% përgjigjen se kur kanë miq, do të preferonin që ata të hynin në shtëpinë e tyre pasi të kenë hequr këpucët.
Por, ka dhe raste, në të cilat tradita është e “mposhtur” nga përparimi i tepërt. Sipas 55% nga pjesëmarrësit në studim, pohimi “preferoj vet të merrem me remontet nëpër shtëpi” nuk u përket atyre. 41% akoma preferojnë të mbështeten tek vetja dhe jo tek profesionalistët, sa u përket rregullimeve në shtëpi.
Si tërësi nuk ka diferenca serioze në përgjigjet e burrave dhe të grave. Natyrisht, më të rinjtë, njerëzit në vendet më të mëdha të populluara, respektivisht me të ardhura më të larta e të tjera, janë mjaft më larg nga zakonet dhe shijet. Por, dhe në këto raste dallimet në qëndrimet nuk janë mjaft të mëdha. Në kryeqytet shumica e banuesve kanë lënë më rritjen e kafshëve dhe të bimëve si dhe kryerjen e remonteve prej tyre, por jo dhe përgatitjen e zajreve, përdorimin e rakisë së shtëpisë ose nderjen e rrobave në ballkon.
Përpiloi: Stoimen Pavllov
Përgatiti në shqip: Nataniela Vasileva
Me iniciativën e Bashkimit Evropian dhe të Organizatave të Pacientëve për Luftën kundër Sëmundjeve të Rralla, ditën e fundit të shkurtit po fokusohemi tek personat që jetojnë me një sëmundje të rrallë. Po organizohen fushata shqaruese për të rritur..
Në epokën e rritjes së dixhitalizimit dhe depërtimit të inteligjencës artificiale në të gjitha sferat e jetës sonë, profesionet e njerëzve shumë të kualifikuar dhe më të paguar janë më të rrezikuar nga zhdukja. Më pak të prekura janë punët që kërkojnë..
Mbrojtja dhe garantimi i të drejtave dhe interesave të qytetarëve bullgarë, personave me identitet bullgar dhe komuniteteve bullgare jashtë vendit janë ndër prioritetet e përcaktuara në Programin e Qeverisë për Qeverisjen e Bullgarisë për..
Komisioni nismëtar për bojkotimin e zinxhirëve të shitjes me pakicë njoftoi se po ndalon protestat. Në një deklaratë për media, nismëtarët e protestave..
Afro 80% e popullsisë së qytetit moldav Taraklija janë bullgarë etnikë. Në planin historik, qyteti është themeluar në fillim të shekullit XIX nga kolonia..
Aktualisht, Holanda mbetet ende destinacioni kryesor për marrjen e arsimit të lartë jashtë vendit nga studentët e ardhshëm bullgarë, e ndjekur nga..