Prokurori i Përgjithshëm Sotir Cacarov është ftuar për dëgjim më 10 tetor në mbledhjen tjetër të Komisionit të përkohshëm parlamentar për sqarimin e rrethanave dhe fakteve të lidhura me ndërprerjen e transmetimit të programit qendror të Radios Kombëtare Bullgare “Horizont” për 5 orë më 13 shtator. Disa gazetarë në media pohojnë se mbi ta dhe mbi udhëheqjen e radios është ushtruar presion politik.

Ky është vendimi i marrë nga deputetët e komisionit në mbledhjen e zhvilluar sot. Kryeprokurori do të prezantojë të dhënat e mbledhura në kuadrin e hetimit. Pas kësaj për dëgjim do të ftohen anëtarët e Këshillit për Mediat Elektronike, drejtori i BNR-së Svetosllav Kostov dhe gazetarët e prekur. Propozimi për krijimin e komisionit parlamentar ishte bërë nga Partia opozitare Socialiste.