1 tetori - Dita Ndërkombëtare e muzikës, sipas traditës shënohet me koncerte nëpër qytetet e ndryshme. Vetëm në kryeqytet ngjarjet janë disa. Mes programeve më interesante është koncerti në kuadrin e konkursit ndërkombëtar “Virtuozët e rinj”, i cili sivjet zhvillohet për herë të 15-të. Hollësira për programin mësojmë nga Millka Miteva - themeluesja dhe drejtoresha artistike e “Virtuozëve të rinj” dhe pedagoge me përvojë në piano:
“Konkursi sivjet i është kushtuar 120 vjetorit nga lindja e kompozitorit të madh bullgar Panço Vlladigjerov. Në kuadrin e “Virtuozëve të rinj” zhvillojmë disa koncerte të laureatëve, mbajtësve të çmimit të madh gjatë viteve, si dhe të anëtarëve të jurisë ndërkombëtare. Në koncertin e 1 tetorit do të prezantojmë veprën e dekoruar nga konkursi i mëparshëm. Krijimi është me titull “Perperikonija”. Autorja është Desisllava Georgjieva dhe do të tingëllojë në interpretim të kuartetit “Arte” me pjesëmarrjen e posaçme të Gjergana Ivanovës, e cila ekzekuton në flaut. Në të njëjtin program, për gëzimin dhe krenarinë tonë më të madhe, do të dëgjojmë Emanuill Ivanovi – mbajtësi i dekoratës së madhe të “Virtuozëve të rinj” të vitit 2016. Përpara më pak se 1 muaji ai morri dhe çmimin e pare të konkursi jashtëzakonisht prestigjioz për pianistë në Itali. Në pjesën e dytë të koncertit do të ekzekutojnë anëtarët e jurisë ndërkombëtare – pianisti Giuliano Medzocante nga Italia dhe Romain Gariouu nga Franca. Ata do të interpretojnë krijime nga Betoveni dhe Mendelsoni. Vendi, në të cilin zhvillohet koncerti është shumë I preferuar nga muzikantët bullgarë – kjo është salla në rrugën “Oborishte” numër 5 në Sofje, ku më përpara gjendej Shkolla Kombëtare Muzikore “Ljubomir Pipkov”. Ajo është rinovuar, tavani i bukur është restauruar, është ruajtur dhe llambadari i bukur. Atje ka dhe një piano të re, me cilësi të lartë. Patjetër që dua të falënderoj Bashkinë e Kryeqytetit, e cila gjithmonë e përfshin konkursin në kalendarin e vet kulturor, si dhe Ministrinë e Kulturës. Këto institucione japin përkrahjen e vet të madhe për ngjarje të tilla të vlefshme dhe për shfaqjet e muzikantëve të rinj.
Le të shtojmë se edicioni i 15-të i “Virtuozëve të rinj”, kushtuar Panço Vlladigjerovit, është për vepra të pianos dhe të dhomës. Takimet e jurisë ndërkombëtare do të mbahen në dhjetor. Atëherë do të mësojmë se cilët janë autorët e rinj të dekoruar.
Përgatiti në shqip: Nataniela Vasileva
Më 17 shtator Kisha Ortodokse Bullgare kremton dëshmoret e shenjta Sofia, Vjara, Nadezhda dhe Ljubov . Në këtë ditë shënojmë edhe festën e kryeqytetit tonë Sofje – një qytet i lashtë me histori mijëvjeçare. Kryeqyteti i Bullgarisë - Sofja..
Sot vera hyn në dhomat e klasës, bashkë me buzëqeshjen e fëmijëve... Dita e parë e shkollës është gjithmonë një shkak emocioni - si për më të vegjlit që shkelin pragun e shkollës për herë të parë, ashtu edhe për të rriturit që me mall kujtojnë ato..
Stacioni Qendror Hekurudhor në Plovdiv mirëpret grupet e njohura X-R@Y dhe Uikeda për një koncert falas më 14 shtator. Përveç tyre, publiku do të ketë mundësinë të shohë edhe dy ansamble folklorike - "Ravnec" dhe "Klementina". Ky është eventi i..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e..
Në ditët e fundit të verës, Tedi Ruseva me emrin artistik Tiara prezanton këngën e saj të re “Vetëm deti”. Me të, aktorja, karriera muzikore e së..