Athina përkrah aderimin e Bullgarisë në Hapësirën Shengen, tha ministri i punëve të jashtme i Greqisë Nikolaos Dendias në Sofje në takimin me homologen e tij bullgare Ekaterina Zaharieva. Të dy ministrat janë të mendimit se Bashkimi Evropian duhet të zgjerohet në drejtim të Ballkanit Perëndimor dhe nënvizuan domosdoshmërinë për respektimin e të gjitha marrëveshjeve të arritura me shtetet-kandidate për anëtarësim.

“Greqia është një partnere strategjike, kurse formati katërpalësh – Bullgaria, Greqia, Rumania dhe Serbia, punon shumë mirë”, nënvizoi Kryeministri Bojko Borisov gjatë bisedimeve me diplomatin e parë grek. Borisovi bëri thirrje për përshpejtimin e ndërtimit të interkonektorit të gazit Bullgari-Greqi, paratë për të cilin janë siguruar plotësisht. Kryeministri diskutoi me Dendias dhe projekte të tjera dypalëshe ekonomike.