Në takim në Varshavë presidentët е Bullgarisë dhe Gjeorgjisë – Rumen Radev dhe Salome Zurabashvili kanë deklaruar se do të punojnë për inkurajimin e shkëmbimit ekonomik, investimeve reciproke dhe turizmit në rajonin e Detit të Zi. Është nënvizuar se me zhvillimin e korridoreve të transportit, atyre digjitale dhe energjetike shkëmbimi i mallrave do të arrijë 1 miliardë dollarë, duke pasur parasysh se tani ai është 600miliona dollarë për vit.

Bashkëbiseduesit kanë folur për hapjen eventuale të linjës ajrore midis të dyja vendeve, për thellimin e partneritetit dypalësh në shkencë, kulturë dhe arsim. Bullgaria do të vazhdojë të ndihmojë përpjekjet në kuadrin e negociatave shumëpalëshe për forcimin e qëndrueshmërisë së rajonit të Kaukazit, ka thënë presidenti Radev.