Zëvendëskryeministrja dhe Ministre e Punëve të Jashtme Ekaterina Zaharieva u takua në Sofje me Ministren e Punëve të Jashtme të Indisë Sushma Swaraj. Kjo është vizita e parë te ne e një ministri të jashtëm të Indisë që prej 20 vitesh. Ministret Zaharieva dhe Swaraj nënvizuan se dy vendet tona, të cilat sivjet shënojnë 65 vjet nga vendosja e marrëdhënieve diplomatike, gëzojnë një miqësi tradicionale dhe frytdhënëse. Ndër fushat me potencial të madh për zhvillim u theksuan teknologjitë e larta, farmaceutika, bujqësia, industria ushqimore, turizmi. Zonja Zaharieva vuri në dukje se ka një kompani bullgare, e cila ka biznes të suksesshëm në kuadrin e programi “Bëje në Indi”, një kompani tjetër është furnizuese e internetit ndër mbi 200 000 përdorues në Delhi, ndërsa një uzinë bullgare prodhon ilaçe në Indi. Mbi 14 500 indianë e kanë vizituar vendin tonë gjatë vitit 2018. Që nga marsi i këtij viti vizat bullgare do të lëshohen në 15 qytete të Indisë.