Tema kryesore në faqen e parë të gazetave qendrore është atentati i përgjakshëm në metronë në qendër të Shën Petersburg, në të cilin vdiqën të paktën 14 veta dhe ka dhjetëra të plagosur. Shtypi shënon se sulmi koincidon me vizitën e Presidentit Vladimir Putin në qytet dhe shton se tani për tani nuk ka të dhëna për bullgarë të dëmtuar, sipas informacionit të Ministrisë Bullgare të Punëve të Jashtme.
Në planin e politikës së brendshme të përditshmet bullgare shënojnë hapat e parë për formimin e qeverisë pas fitores në zgjedhjet parlamentare të partisë konservatore GERB me lider Bojko Borisov. “Kabineti do të jetë i gatshëm deri në fund të prillit” – ky është një prej titujve kryesorë në gazetën “Standard”. Kabineti tjetër i vendit tonë do të jetë i gatshëm jo më vonë nga fillimi i majit. Kryeministri i tij do të jetë lideri i GERB-it Bojko Borisov. Këtë e deklaroi kategorikisht ish Ministri i Financave Vlladisllav Goranov. Ai bën pjesë në ekipin e partisë, i cili merr pjesë në negociatat për formimin e qeverisë, saktëson “Standard”. Gazeta shton se prioritetet kryesore të kabinetit “Borisov 3” janë reforma në arsimin e mesëm, në administratë dhe në sistemin gjyqësor. Programi i qeverisë së re shkruhet sipas parashikimeve për një mandat të plotë 4 vjeçar, sepse sipas njerëzve të Borisovit “nuk ka shkak që ai të jetë më i shkurtër”, komenton e përditshmja. “GERB me një program për një qeveri të pakicës”, prognozon në një titull “Trud”. Gazeta citon sociologun Jurij Asllanov, sipas të cilit një prej skenarëve është që Bojko Borisov të përpiqet të formojë një qeveri të pakicës me përkrahjen parlamentare të politikave të sektorit. “Borisov ka përvojë në një qeveri të këtij lloji”, komenton Asllanov në faqet e gazetës “Trud”. Gazeta “Sega” publikon titullin “GERB u indinjua nga pretendimet e Patriotëve të Bashkuar”. Vlladisllav Goranov bëri të ditur se deklaratat e Valeri Simeonovit dhe Patriotëve të Bashkuar se dikush tjetër mund ta kryesojë qeverinë përveç liderit të GERB-it janë “naive dhe qesharake”. “Eksperimente të tilla, që propozohen janë më tepër provë për t’u rritur çmimi i partnerit më të vogël”. Sigurisht që ne nuk mund t’i ndalojmë Valeri Simeonovit për të pretenduar për gjithçka. Në qoftë se ai nuk dëshiron të marrë pjesë, kjo është e drejta e tij” – komentoi në mënyrë ironike z. Goranov, cituar nga “Sega”.
Përgatiti në shqip: Vesella Mançeva
Largimi i shtetasve bullgarë nga Libani, i kryer me dy fluturime drejt Bullgarisë, tashmë duket i vështirë për t'u realizuar, sipas ambasadorit tonë në vend Jasen Tomov. Sipas tij, fluturimi i radhës është i rrezikshëm, prandaj po kërkohen variante..
Bullgaria dhe SHBA do të zgjerojnë Marrëveshjen e Bashkëpunimit Ndërqeveritar për projektin për ndërtimin e një kapaciteti të ri bërthamor në centralin atomik “Kozlloduj” dhe programin bërthamor për qëllime civile. Kjo u diskutua nga ministri në..
Ministri i jashtëm në detyrë Ivan Kondov kryeson delegacionin bullgar për të marrë pjesë në seancën e 45-të të Konferencës së Ministrave të Frankofonisë, e cila do të mbahet më 3 tetor në Paris, njoftoi MPJ. Në forum marrin pjesë ministrat e jashtëm të..
Gjatë natës , vranësira në gjysmën perëndimore të vendit do të jetë e ndjeshme dhe vende-vende do të ketë reshje shiu. Në lindje do të ketë vranësira..
Nëse zgjedhjet mbahen në fillim të tetorit, 6 parti dhe koalicione hyjnë në parlamentin e 51-të, sipas një sondazhi të Agjencisë “Market Links” të..
2024 është viti më i mirë pasi ka statistika për të ardhurat nga turizmi, akomodimet turistike, numrin e turistëve dhe regjistrimet e turistëve, numrin e..