Përplasja e parë e qeverisë teknike me pakënaqësinë shoqërore tashmë është fakt. Një stuhi e vërtet u formua ditët e fundit në Ministrinë e Mjedisit dhe Ujërave për shkak të aktualizimit të Planit për menaxhim të Parkut Kombëtar “Pirin” deri në vitin 2023. Më 1 mars pak para përfundimit të ditës së punës Ministrja e mjedisit Irina Kostova nënshkroi një vendim, me të cilin lejoi kalimin e projektit për aktualizim në Këshillin Ekologjik, pa vlerësim të ndikimit mbi natyrë. Një ditë më vonë ajo lejoi ekzekutimin e Planit sipas procedurës së shpejtuar. Afati ligjor për apelim është tri ditë nga data e shpalljes së vendimit, mirëpo ai përkoi me ditët e pushimit me rast të festës kombëtare 3 mars.
Ekologët reaguan menjëherë me organizimin e protestave. Ata insistuan që projekti për Plan për menaxhimin e Pirinit detyrimisht të vlerësohet për ndikimin e tij mbi mjedis, siç kërkohet nga Komiteti i Trashëgimisë Botërore prenë UNESKO-së (nën mbrojtjen e të cilit ndodhet Parku Kombëtar në territorin e malit Pirin). Një pozitë të qartë shpallën dhe disa parti politike – Trajço Trajokov dhe Radan Kënev nga “Republika e Re” bënë thirrje që Kreu i shtetit të përdorë të drejtat e tij dhe ta anulojë vendimin. Lëvizja “Po, Bullgaria” gjithashtu kërkoi anulimin e tij dhe ndërrime në udhëheqjen e Ministrisë së Mjedisit. Në përkrahje të Planit aktual u shpallën anëtarët e VMRO-së (partia është pjesë e koalicionit të Patriotëve të Bashkuar). Lideri i saj Krasimir Karakaçanov tha, se plani për menaxhim të Pirinit jep mundësi për zhvillimin e turizmit dhe i akuzoi organizatat ekologjike për këtë se me përkrahje financiare nga jashtë qëllojnë të pengojnë mirëqenien e rajoneve malore në Bullgari. Kryeministri Ognjan Gerxhikov kritikoi “të gjelbërit” për protestën e tyre “të nxituar” dhe shpjegoi, se bëhet fjalë për projekt plani, i cili do të diskutohet në të ardhmen nga të gjitha palat e interesuara. Presidenti Rumen Radev e cilësoi vendimin e ministres Irina Kostova si “e nxituar”.
Rezultati nga bisedimet ndërmjet Presidentit, Kryeministrit teknik dhe Ministres së mjedisit, të zhvilluara nën presionin e fortë publik, ishte anulimi i vendimit më pak se një orë para fillimit të protestës së organizuar nga koalicioni “Që të mbetet natyra në Bullgari”.
“Qëllimi ynë i madh është mbrojtja e Parkut Kombëtar Pirin – komentoi Ivan Radev nga WWF Bullgaria. – Sa vite me radhë tema Pirin provokon protesta të tilla. Një pjesë e madhe e kërcënimeve për të tashmë u bënë realitet, një pjesë tjetër në sajë të veprimeve aktive të shoqërisë, mbeten të parealizuara. Dhe kjo nuk do të jetë episodi i fundit i kësaj lufte. Shpresojmë se në të ardhmen e afërt shteti do të angazhohet me këtë çështje, kështu që të garantohet mbrojtja e Pirinit në mënyrën, në të cilën duhet mbrojtur një park kombëtar dhe një objekt i trashëgimisë natyrore të UNESKO-së.”
Kritikat ndaj projektit që po hartohet për menaxhimin e Parkut Kombëtar “Pirin” janë lidhur me këtë se ai do të lejojë punime ndërtimi në një sipërfaqe 12,5 herë më të madhe krahas kësaj të deritanishme dhe prerje të pemëve në 60% të territorit të parkut. Kush ka interes për këtë plan?
“Ndoshta njerëzit, të cilët në vazhdim të shumë viteve kanë bërë përpjekje për ndërtim të tepërt të zonës për ski në afërsi të qytetit Bansko, të cilët kështu do të dëmtojnë natyrën – tha Ivan Radev. – Jemi dëshmitarë se tashmë disa qeveri të ndryshme, jo një herë, kanë bërë përpjekje për të imponuar vendime të tilla. Kundërshtimet tona për këtë plan për menaxhim dhe kundërshtimet e shumë shkencëtarëve nuk janë pasqyruar e për këtë arsye bëjmë thirrje që ai të rihartohet krejtësisht.”
Fotografi: http://forthenature.org/ dhe WWF
Në Olimpiadën Ndërkombëtare të Astronomisë dhe Astrofizikës në Brazil, nxënësit bullgarë fituan pesë medalje, njoftoi Shoqata e ekipeve olimpike në shkencat natyrore. Ky është konkursi më prestigjioz në astrofizikë, ku këtë vit morën pjesë mbi 260..
Ekspozita, lexime malore nga librat për Bullgarinë, poezi dhe muzikë - këto janë vetëm një pjesë e programit të Bibliotekës së Kryeqytetit me rastin e 129 vjetorit nga ngjitja e parë e organizuar deri në pikën më të lartë të malit Vitosha ...
Festivali “Varvara Kite Fest” përfshin klasa të mjeshtërisë, ekspozitë fotografike dhe kinema verore për fëmijë. Edicioni i katërt do të mbahet më 18 dhe 19 gusht në fshatin turistik Varvara, Komuna Carevo, njoftuan organizatorët nga “Mrekullitë e..
Në Olimpiadën Ndërkombëtare të Astronomisë dhe Astrofizikës në Brazil, nxënësit bullgarë fituan pesë medalje, njoftoi Shoqata e ekipeve olimpike në..