Lajme nga skena bullgare e muzikës pop

botuar më 15-03-18 2.10.MD]

БНР Новини

“Kuq e Zi – Dueti BG”

Foto: arkiv personal

Millço Sokollov dhe Kirill Veselinov formojnë duetin “Kuq e Zi – Dueti BG” dhe popullarizojnë dendur muzikën pop bullgare. Në skenat muzikore në vend dueti ka sjellë disa spektakle, duke bashkëpunuar me kompozitorë të njohur bullgarë. Ndër këta të fundit janë Tonço Rusev, Najden Andreev etj. Disa nga poetët më të shquar bullgarë kanë sjellë tekste për duetin. Këtu dallohen poetët Evtim Evtimov, Damjan Damjanov, Zhiva Kjullxhieva. Deri tani dy muzikantët kanë nxjerrë në treg disa albume. Kënga e tyre më e fundit quhet “Një vajzë”. Teksti i saj është i Millço Sokollovit.

“Një vajzë”, int. “Kuq e Zi – Dueti BG”

Update Required To play the media you will need to either update your browser to a recent version or update your Flash plugin.

Pas 20 vjetëve Bobi dhe Zaki nga dueti “Avenju” përsëri dolën në skenë. Ata prezantuan këngën e tyre të re “Pakohësia”. Kompozitori është Bobo Ivançev, autori i tekstit – Zaki Sokolov. Aranzhimi u përket Vasill Ivanovit dhe Bobi Ivançevit. Sivjet dy muzikantët duan t’i gëzojnë adhuruesit e tyre me projekte të tjera. Tashmë filloi turneu i duetit. Koncerti i parë u bë në qytetin bregdetar Burgas. Këngët e tyre të vjetra dhe aq të adhuruara si “Shpëtimi”, “A kemi jetuar më parë”, “Ditët e humbura” tingëlluan në mënyrë të re.

“Pakohësia” në interpretim të duetit “Avenju”.

Nevena Coneva prezantoi projektin e saj “Kur të dhemb më shumë”, me pjesëmarrjen e bandës së muzikës rock “Milenium X”. Regjisori i videos është Georgi Manollov. Zakonisht këngëtarja eksperimenton me stile të ndryshme – folklor, etno, pop. Ajo vazhdon të punojë edhe mbi projektin e saj tjetër të lidhur me interpretimin e këngëve të arta të viteve të 60-të dhe të 70-të të shekullit të kaluar. Pas suksesit të hitit “Fryj, erë!”, origjinalin e të cilit e njohin në interpretim të këngëtares Pasha Hristova, Nevena është gati me incizimin e akoma një kënge të vjetër dhe shumë të njohur – “A ecin të dytë” nga filmi “Briri i bricjapit”. Kënga edhe sot është një thesar i muzikës kinematografike bullgare, në saj të kompozitores dhe interpretueses së saj Pasha Hristova.

“E vetmja” quhet kënga e përbashkët e duetit Pavell&Venci dhe muzikantit Moisei Stojçev. Kënga i është kushtuar dashurisë ndaj mikeshave të tyre. Ideja e muzikës është e këngëtarit Pavell, ndërsa tekstin e kanë sjellë së bashku me kolegët. Në fund të këngës dallohet prania e Zhana Bargendorff-it. Aranzhimin e ka bërë Iskren Tonçev, ndërsa videoja i përket Georgi Angellovit.

Përgatiti në shqip: Jordanka Ivanova, Anna Kapitanova

Последвайте ни и в Google News Showcase, за да научите най-важното от деня!

Ndaje

Lajme nga skena bullgare e muzikës pop

Më shumë nga rubrika

Varna dhe Sliven zhyten "në botën e muzikës" me maestro Vesko Panteleev- Eschkenazy

"Gjithçka është në rregull"

Koncert kushtuar muzikantit të madh bullgar Millço Leviev