“Herën e fundit i hap krahët për fluturim. Herën e fundit ajo fluturon në qiell.
Ajo i thotë lamtumirë fushave të dashura, bjeshkëve pran tyre, qiellit të pafund!”
Ato vjersha i shkroi Damjan Damjanovi. Pak më vonë me muzikën e tij Tonço Rusevi i shndërroi në një këngë, të cilën e interpretoi Lili Ivanova ditët e para të vitit 1972. Kënga “Zogu” iu kushtua këngëtares së talentuar bullgare Pasha Hristova. Disa javë para kësaj muzika bullgare humbi një nga zërat më të fort dhe më të pasur. Pasha Hristova ishte mezi 25 vjeçare, kur vdiq në një katastrofë ajrore në Aeroportin e Sofjes. Në karrierën e shkurtër 5-vjeçare ajo bëri më se 40 incizime në Radion Kombëtare Bullgare dhe 60 incizime gjithsej për fondin e Radios, Televizionit dhe Ballkantonit.
Në vitin 1970 fitoi çmimin e tretë për interpretues në Festivalin Ndërkombëtar “Kaprolli i Florinjtë” në Brashov të Rumanisë. Prezantimi i saj në konkursin “Orfeu i Artë” ishte i suksesshëm si për vet këngëtaren, ashtu edhe për autorët e këngëve “Një trëndafil bullgar” dhe “Fryj, erë”. Ata fituan çmimin e parë dhe Çmimin e Madh – Statujën e Florinjtë. Këngëtarja ishte mbajtëse e çmimit të parë të Festivalit në Sopot të Polonisë me këngën e Çesllav Niemenit “E çuditshme është kjo botë”.
Kjo seri të çmimeve të mëdha u ndërpre më 21 dhjetor të vitit 1971. Disa orë para mesnate pas një vonese të gjatë të fluturimit, këngëtarja 25-vjeçare bashkë me Orkestrën Sofja ngjitën në bordin e avionit IL 18, me të cilin duhej të udhëtonin për Algjeri. Avioni sapo ishte dalë nga riparimi. Pak para se të fluturojë një erë e fortë e anoi aeroplanin. Krahu plasi në pistë, korpusi u shkatërrua dhe u ndez. Nga 73 veta gjithsej në bord vdiqën 32. Ndër ta ishte edhe ekuipazhi 6 anëtarësh. U shpëtuan vetëm disa prej udhëtarëve që ishin në pjesën e prapme.
Më 23 dhjetor të vitit 1971 mijëra njerëz e përcollën këngëtaren Pasha Hristova në rrugën e saj të fundit. Talenti i saj i madh, zëri i saj i jashtëzakonshëm nuk lejojnë, që kujtimi për të të vdesë. Kjo këngëtare mbetet si një simbol i një nga periudhat më të mira në zhvillimin e muzikës zbavitëse bullgare dhe një shembull për breza të tëra muzikantësh bullgarë.
Përgatiti në shqip: Svetllana Dimitrova
E bukur, e mençur, e talentuar dhe disi ekzotike, Elisaveta Bagriana (1893-1991) është ylli i hapësirës kulturore bullgare, ku dominojnë burrat. Megjithë dhembshurinë dhe natyrën e saj delikate, poetesha është treguar papritur e fortë dhe mbijetuese në..
“Kohë e besimit, shpresës dhe dashurisë, por edhe e mungesës së urtësisë”. Kështu e karakterizon fillimin e viteve 90-të të shekullit të kaluar Petko Kovaçevi, i cili në atë kohë ishte anëtar i Shoqatave të Pavarura Studentore dhe i Organizatës..
10 nëntori i vitit 1989 ishte një datë nga kalendari, e cila për bullgarët e zakonshëm filloi si të gjitha ditët e mëparshme. Në orën 18 fiks, kur nëpërmjet Radios Kombëtare Bullgare iu shprehën falënderime zotit Todor Zhivkov dhe u njoftua, se Petër..
Pjesërisht me re
Vranësira të dendura
Vranësira