Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Bullgaria – aktive dhe solidare në luftimin e terrorizmit

Velizar Shallamanov
Foto: BGNES

Java e kaluar kaloi nën shenjën e veprimeve vendimtare të bashkësisë ndërkombëtare kundër organizatës terroriste “Shteti Islamik”. Aeroplanët e SHBA-së dhe disa shtete partnere goditën pozitat e këtij grupazhi radikal në Siri. Në operacion u përfshinë edhe vendet arabe si Arabia Saudite, Jordania dhe Emiratet e Bashkuara Arabe. Deri tani objektivat e goditjeve amerikane ishin vetëm objektet në Irak. Këshilli i OKB-së mbi të Drejtat e Njeriut miratoi një rezolutë, me të cilën dënoi rrëmbimet, marrjen e pengjeve dhe vrasjet e kryera në Siri nga “Shteti Islamik”. Bullgaria u solidarizua me të dhe para Këshillit të Sigurimit të OKB-së Presidenti Rosen Plevneliev siguroi se në kuadrin e mundësive të veta, pa dërguar ushtarë, avionë, ose anije, vendi ynë do të jetë një anëtar i denjë dhe efektiv në Koalicionin

Botëror për luftimin e terrorizmit. Në bisedimet me homologun e tij irakian Ibrahim al-Xhafari ministri i jashtëm bullgar Daniell Mitov shqyrtoi domosdoshmërinë për kushtet e përbashkëta në luftimin me “Shtetin Islamik” dhe ripohoi angazhimin e Bullgarisë për të paraqitur para qeverisë irakiane ndihmë ushtarake nën formën e armatosjes së lehtë dhe municioneve. Ministri ushtarak Velizar Shallamanov saktësoi se qeveria do t’i dërgojë Irakut rreth 200 automate, mitralozë dhe furnizime ushtarake, si dhe ndihmë humanitare. Ndërkaq, forcat ushtarake ajrore bullgare u përfshinë në trajnimin e NATO-s “Ramstein Guard-8”, që zhvillohet në hapësirën ajrore të Bullgarisë, Rumanisë dhe Greqisë, qëllimi i të cilit është që të rritet përgatitja e forcave dhe mjeteve për mbrojtjen kundërajrore dhe për veprimet në rastet e problemeve radio-elektronike dhe të kiber-kërcënimeve. Ministria e Mbrojtjes publikoi në sajtin e vet mësime për njohjen e terroristëve, të cilat do të jepen në trajnimin e detyrueshëm ushtarak të nxënësve të klasës së nëntë dhe të klasës së dhjetë. Autoritetet në Sofje konstatojnë se deri tani nuk ka kërcënime për vendin tonë, por siç duket ato janë duke u përgatitur për një reaksion adekuat.

Përgatiti në shqip: Vesella Mançeva


Последвайте ни и в Google News Showcase, за да научите най-важното от деня!

Më shumë nga rubrika

 Радмила Шекеринска

Ngjarjet me adresë ballkanike

Një maqedonasе bëhet zëvendëssekretarе е përgjithshmе е NATO-s Sekretari i Përgjithshëm i NATO-s Mark Rutte emëroi Radmila Shekerinska nga Maqedonia e Veriut si zëvendëssekretare të përgjithshme të Aleancës. "Jam i lumtur të njoftoj emërimin e..

botuar më 24-11-23 9.30.PD
Një radhë për të votuar në Britaninë e Madhe në ditën e zgjedhjeve

Krijimi i një Rajoni Zgjedhor me Shumë Mandate “Jashtë Shtetit” do të ndalojë manipulimet e mundshme me votat e bashkatdhetarëve tanë jashtë vendit

Pothuajse një muaj pas zgjedhjeve të parakohshme parlamentare të 27 tetorit, Legjislatura e 51-të të Kuvendit Popullor ende nuk mund të fillojë punën sepse përfaqësuesit e popullit nuk mund të zgjedhin të parin mes të barabartëve. Ngërçi politik në..

botuar më 24-11-21 4.38.MD
Foto: Qendra e Shtypit e Presidencës

Republika e Maqedonisë së Veriut dëshiron të përfshijë bullgarët në kushtetutë pas hyrjes në BE

Përfshirja e bullgarëve në kushtetutën e Maqedonisë së Veriut duhet të bëhet me "efekt të vonuar" - pasi vendi të bëhet anëtar i Bashkimit Evropian. Presidentja e Maqedonisë së Veriut Gordana Siljanovska ia bëri këtë propozim kreut të shtetit Rumen Radev në..

botuar më 24-11-20 9.49.PD