Në ditën e festës kombëtare të Francës, 14 korrik, ambasadori i saj në Sofje, Ksavie Laper djo Kaban mori çmimin e nderit “Shekulli i Artë” për meritat e tij në zhvillimin e bashkëpunimit kulturor midis Bullgarisë dhe Francës. Ceremonia u zhvillua në ish Pallatin e Mbretit, i cili aktualisht është Galeri Kombëtare e Arteve Figurative, ndër veprat e ekspozuara të skulptorit të madh frëng Ogjust Roden. Ekspozita është pjesë e një sërë ekspozitash te ne të koleksioneve të mjeshtërve të mëdhenj francezë. Kjo seri ekspozitash filloi me veprat e Edgar Degas në vitin 2010 te ambasadori i mëparshëm Filip Otie. “Shkëlqesia e tij Ksavie Laper djo Kaban i ka të gjitha aftësitë e diplomatit bashkëkohor – arsim të shkëlqyeshëm, një përvojë të madhe, aftësi për t’i vlerësuar shumë mirë situatat.” Këtë e deklaroi gjatë dorëzimit të çmimit ministri i kulturës Petër Stojanoviç, duke e quajtur ambasadorin “një mik të vërtetë të Bullgarisë.”
“Jam shumë i kënaqur dhe krenar për këtë çmim – deklaroi ambasadori frëng. – Bashkë me ministrin e kulturës Petër Stojanoviç pata kënaqësinë e madhe për të hapur disa ekspozita, të përgatitura nga paraardhësit e mi. Para nëntë muajsh, vetëm disa ditë pas mbërritjes sime në Bullgari, hapa ekspozitën e Zhul Paskinit, kurse para një muaji e gjysmë u bë fakt edhe ekspozita e Ogjust Rodenit në Galerinë Kombëtare të Arteve Figurative. Kjo politika jonë nuk është e re dhe ajo është shenjë e marrëdhënieve gjithnjë e më të mira midis Francës dhe Bullgarisë. Ne, duke qenë evropianë, kemi nevojë për t’u njohur më mirë dhe mendoj se kultura është rruga më e mirë e arritjes së këtij qëllimi.”
Për Radio Bullgarinë ambasadori Ksavie Laper djo Kaban u ndalua te një projekt edhe më ambicioz bullgaro-frëng – paraqitja për herë të parë e trashëgimisë trake në muzeun e njohur Luvër në Paris.
“Ekspozita duhet të zhvillohet nga 15 prilli deri më 15 korrik 2015 dhe do të paraqesë kulturën e trakëve nëpërmjet gërmimeve të pasura, të gjetura afër varrezës së mbretit të tyre Sevt III në luginën e mbretërve trakë. Në ekspozitë do të ketë eksponate nga rreth 15 muze bullgarë, të përzgjedhura bashkë me ekspertë nga Luvri dhe nga disa muze bullgarë. Kështu ne vumë fillimin e një bashkëpunimi afatgjatë midisi muzeve francezë dhe atyre bullgarë. Menjëherë pas përfundimit të ekspozitës trake në Luvër, në Bullgari do të paraqitet një ekspozitë prej fondeve të tij, e cila i përket kulturës së romakëve.”
Përgatiti në shqip: Vesella Mançeva
Vitin e radhës banorët dhe mysafirët e qytetit malor Bansko do të transferohen në botën e alpinizmit, kinemasë ekstreme dhe aventureske, njoftoi BTA. Edicioni i sivjetshëm i "Pasioni filmik nën yjet e verës" është në tri mbrëmje - nga data 25..
Edicioni i dhjetë i festivalit Animaphix për filma të animuar në Siçili të Italisë, po i kushton një retrospektivë të veçantë krijuesit bullgar Teodor Ushev, i cili bëhet mbajtës i çmimit "Renato Gutuzo" për vitin 2024, njoftoi BTA. Ushev dekorohet..
"Një zjarr i shuar shpesh rindizet falë prushit që ka mbijetuar." Me këto fjalë të ngrohta profesori i filologjisë sllave Krasimir Stançev ngjall shpresë se interesi i pakësuar ndaj alfabetit bullgar, gjuhën bullgare dhe kulturën bullgare jashtë vendit..
Në ditët e para të vjeshtës, banorët dhe mysafirët e Plovdivit janë të ftuar të kujtojnë hapësira të veçanta, të dashura dhe interesante në qendër të..