Për herë të tretë në Bullgari gjatë së dielës së kaluar u zhvilluan zgjedhje për deputetë në Parlamentin Evropian pas hyrjes së vendit në Bashkimin Evropian gjatë vitit 2007. Me votën e vet bullgarët dërguan në Strasburg përfaqësues vetëm të partive pro-evropiane dhe “mbyllën në podrum” formacionet ultra-nacionaliste si “Ataka”. Por bullgarët dërguan dhe një paralajmërim ndaj Bashkimit Evropian – aktiviteti zgjedhor mezi i tejkaloi 35%. Një sërë analizatorë e shpjegojnë këtë përqindje si shenjë të zhgënjimit nga Evropa e Bashkuar, pas entuziazmit fillestar përpara 8 vjetëve.
Sado që të pohohet se, zgjedhjet për parlament evropian janë një, kurse zgjedhjet për parlament kombëtar – një gjë tjetër, Bullgaria nuk bën përjashtim nga vendet e tjera anëtare të Bashkimit Evropian. Po, zgjedhësit votuan, që të mund të përcaktojnë 17 deputetët e vet evropianë, por me qëllimin e dukshëm të inkurajojnë ose të dënojnë partitë vendase për veprat e tyre në vend. Dhe sado që të kërkohen nuanca dhe justifikime, çfarëdo qoftë ekuilibristika që të bëhen në sqarimin e rezultateve, bullgarët i dënuan socialistët dhe kabinetin e tyre Oresharski, të krijuar në koalicion me Lëvizjen për të Drejtat dhe Liritë dhe me përkrahjen jo të zëshme të partisë nacionaliste “Ataka” përpara më pak se një vit. Dhe i dhanë një shans të ri partisë konservative GERB dhe liderit të saj joshës Bojko Borisov. Për Partinë Socialiste Bullgare ishte humbja e radhës, kurse për partinë GERB – fitorja e radhës.
Votimi u zhvillua në sfondin e paqëndrueshmërisë politike, amullisë ekonomike dhe pakënaqësisë sociale në rritje në Bullgari. Qeveria e Oresharskit, në kundërshtim me premtimet, nuk mund deri tani t’i kundërvihet në mënyrë efektive korrupsionit, krimit dhe arbitraritetit të monopoleve. Në këtë sfond erdhën edhe kohëra të vështira për Sergjej Stanishevin. Një pjesë e madhe nga elektorati i partisë së tij është me anësime rusofile. Këta njerëz e dënuan duke mos dalë për të votuar ose nuk votuan për Partinë Socialiste Bullgare për shkak të pozitës së partisë dhe të qeverisë të Oresharskit në përkrahje të sanksioneve të Bashkimit Evropian kundër Rusisë. Përveç kësaj Partia Socialiste Bullgare tanimë u largua shumë nga socializmi dhe u kthye në një rreth të interesave me zëdhënës Stanishevin, për këtë shkak shumë bullgarë me bindje socialiste nuk votuan.
Fill pas votës, Stanishevi i ndërmori bullgarët si naiv dhe në mënyrë krejt naive fëmijërore sqaroi se, Partia Socialiste Bullgare nuk i ka humbur zgjedhjet, sepse mbledhja e katër mandateve të tyre në Parlamentin Evropian plus katër mandate të partnerit të koalicionit Lëvizja për të Drejtat dhe Liritë bën tetë, me fjalë të tjera më shumë nga gjashtë mandatet e fituara nga partia GERB. Mbi këtë pikë bazë fillimisht shkeli për ndryshe oratori inteligjent dhe lider i Lëvizjes për të Drejtat dhe Liritë Ljutvi Mestan. Por më vonë u korrigjua dhe filloi të hapë sytë për partnerë të rinj pas zgjedhjeve përpara afatit, të paevitueshme sipas fjalëve të tij.
Dhe kështu, fitorja e padiskutueshme e partisë GERB dhe dështimi i kundërshtarit të saj bazë Partia Socialiste Bullgare në zgjedhjet e sapo përfunduara evropiane paracaktojnë një verë shumë të zjarrtë politike. Dëshira e partisë GERB është së shpejti të marrë pushtetin dhe mosdëshira e Partisë Socialiste Bullgare dhe kompania vullnetarisht të ikë dhe mbase do të shkaktojnë në javët ose muajt më të afërt tensione dhe turbulenca jo vetëm në Parlament dhe në centralet politike, por dhe një valë të re të protestave masive anti-qeveritare nëpër sheshet. Në fakt në qendrën e Partisë Socialiste Bullgare tanimë dëgjohen zëra për një dorëheqje kolektive të udhëheqjes së partisë në krye me Sergjej Stanishevin. Nga ana tjetër, vota e nesërme e mosbesimit të qeverisë, të iniciuar nga partia GERB akoma përpara zgjedhjeve për shkak të dështimit të drejtuesve në politikat energjetike, mbase nuk do të mund ta rrëzojë kryeministrin Oresharski. Vera politike me të vërtetë do të jetë e zjarrtë në vendin më të varfër në Bashkimin Evropian – Bullgaria.
Përgatiti në shqip: Nataniela Vasileva
Turqia dëshiron të anëtarësohet në BRICS Turqia ka aplikuar për anëtarësim të plotë në BRICS dhe anëtarësimi i saj do të diskutohet në samitin e organizatës në Rusi në tetor, raportojnë mediat bullgare. Nëse pranohet, do të jetë vendi i parë..
Shoqata "Pаsardhësit e refugjatëve dhe migrantëve nga territori i Republikës së Maqedonisë së Veriut dhe miq" shpërndau një letër të hapur drejtuar komunitetit shqiptar në Maqedoninë e Veriut dhe përfaqësive diplomatike të akredituara në RSM dhe..
Serbia blen avionë luftarakë “Rafale” nga Franca për 2.7 miliardë euro Për gjithsej 2,7 miliardë euro, Serbia do të blejë nga kompania franceze “Dassault Aviation” 12 avionë të rinj luftarakë “Rafale” – 9 me një vend dhe 3 dyvendësh...