Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Katër sektorët të cilët do ta shpëtojnë Bullgarinë nga kriza

Foto: novostey.com

Bullgaria mund të dalë nga kriza dhe të niset drejt një rritjeje të shpejtë “inteligjente”, po të zhvillojë katër sektorë. Këtë lexohet në raportin e fundit të Bankës Botërore. Vlerësimet e ekspertëve janë bërë në bazë të përvojës së ekonominë bullgare, të potencialit për ruajtjen e tregjeve aktuale dhe të mundësive për vendosje në tregje të reja. Sektori i parë është i industrisë së ushqimit. Tradicionalisht Bullgaria eksporton verëra, djathë dhe pule. Të ardhurat në këtë sektor shkojnë më se 4 mlrd euro. Analiza e ekspertëve tregon se Bullgaria ka standarde të larta të kualitetit, qasje te tregjet e Evropës, prani të zakonshme në tregun e Rusisë dhe krah pune të lirë.

Sektori i dytë me potencial të madh është inxhinieria dhe elektronika, i cili sektor është përqendruar kryesisht në eksport. 50% e eksportit bullgar të inxhinierisë dhe elektronikës i është drejtuar Gjermanisë dhe Italisë. Problem përbën emigracioni për shkak të të cilit vendi është duke humbur punonjës të rinj. Përveç kësaj, në këtë sektor dominojnë firmat e vogla. Ky fakt e vështirëson zbatimin e projekteve të mëdha për vendosje në tregje me TVSH-në të lartë.

Sektori i tretë i cili do ta çojë ekonominë e Bullgarisë përpara, sipas ekspertëve të Bankës Botërore, është farmaceutika. Megjithë se kjo fushë është njëra nga më të voglat në BE, tregu i saj arrin më se 1 mlrd euro. Të gjitha të dhënat paraprake tregojnë se ky treg do të shtohet në të ardhme. Potenciali është i madh për shkak të investimeve të mëdha në industrinë e farmaceutikës. Përparimi i kësaj të fundit ka të bëjë me përvojën e Bullgarisë, si dhe me gjendjen e afërt gjeografike të vendit me tregjet e Lindjes së Mesme dhe të ish-republikave sovjetike. Ekspertët janë të mendimit se për shkak të konkurrencës së madhe prodhimi i ilaçeve ka nevojë për subvencione shtetërore e evropiane.

Sektori i katërt i cili do ta shpëtojë Bullgarinë nga kriza është i teknologjisë së lartë. 10 vitet e fundit fitimet janë rritur me më se 80% në vit. Ky sektor zë 47% të eksportit të përgjithshëm të shërbimeve të biznesit. Të ardhurat më të mëdha kanë të bëjnë me telekomunikimet. Edhe në këtë sektor vlen problemi i mungesës së kuadrove të mirë.

Përgatiti në shqip: Anna Kapitanova




Последвайте ни и в Google News Showcase, за да научите най-важното от деня!

Më shumë nga rubrika

Pritshmëritë e biznesit janë ulur për shkak të mjedisit të pasigurt ekonomik

Në shtator, treguesi i përgjithshëm i klimës së biznesit në vend u ul me 1 pikë krahasuar me muajin gusht, për shkak të vlerësimeve më pak të favorshme në industri. Treguesi në sektor bie me 5.2 pikë dhe menaxherët raportojnë ulje të aktivitetit..

botuar më 24-09-30 1.41.MD

Bullgaria është ndër vendet me më shumë banesa

Bullgaria është ndër vendet me më shumë banesa, duke qenë në vendin e parë mes 24 vendeve evropiane. Sipas Indeksit të fundit Global Property të kompanisë ndërkombëtare të konsulencës “Deloitte”, ka 668 shtëpi për 1000 qytetarë bullgarë. Kështu,..

botuar më 24-09-30 9.44.PD

Një procedurë e re në kuadrin e Planit të Rimëkëmbjes dhe Qëndrueshmërisë siguron akses në mbi 1 miliard leva për bizneset

Procedura për projektet e ruajtjes së energjisë së rinovueshme sipas Planit të Rimëkëmbjes dhe Qëndrueshmërisë është hapur dhe propozimet përkatëse tashmë janë duke u pranuar. Paratë janë shumë, afatet janë të shkurtra dhe kushtet që duhet të..

botuar më 24-09-29 7.20.PD