“Nuk mund të gjeni fshatin tim të lindjes në hartën gjeografike, sepse ai mbeti në ujërat e liqenit Ovçarica – tregon Penka Pavllova. – Fshati e kishte emrin Tërgovishte dhe ishte në rrethin e Slivenit. Jam rritur në një familje muzikantësh folklorikë. Jam e kultivuar me këngën popullore.”

Penka Pavllova këndon me grupin “Nasha Pesen” (“Kënga Jonë”). Kanë pasur shumë shfaqje në vend dhe jashtë – në Belgjikë, Zvicër, Norvegji, Itali, Amerikë. Ajo ka punuar si mësuese e muzikës popullore bullgare në Los Anxhelos. Është mbajtëse e urdhrit “Kirill dhe Metodij” – shkalla e parë dhe e “Lirës së Artë” të Lidhjes së Veprimtarëve Muzikorë. Ajo interpreton gjithashtu dhe këngë të vjetra qytetare. Tashmë më shumë se 20 vjet Penka Pavllova shkruan edhe vjersha. Është gruaja e parë në qytetin Stara Zagora me patentë shoferi, madje ka punuar si shofere taksie.

Përgatiti në shqip: Vesella Mançeva